ԴԻՊՈՒԿԱՀԱՐՆԵՐԻ ՊԱՏՐԱՍՏՄԱՆ ՆՈՐ ՀԱՄԱԿԱՐԳ
ՌԴ ցամաքային զորքերում ձևավորվում է դիպուկահարների ընտրության և պատրաստման նոր` փուլային բազմաստիճան համակարգ: Դրա անհրաժեշտությունն առաջացել է համազորային միավորումների կազմում դիպուկահարների ստորաբաժանումներ ստեղծելուց հետո:
Նախնական ընտրությունից հետո բոլոր դիպուկահարները պրոֆեսիոնալ հրահանգիչների ղեկավարությամբ հատուկ պատրաստություն կանցնեն ուսումնական կենտրոններում: Ուսումնառությունը կկրկնվի 3-4 տարի պարբերականությամբ:
Մինչև դեկտեմբերի սկիզբը նախատեսվում է օկրուգների ուսումնական կենտրոններին կից ստեղծել դիպուկահարների պատրաստման դպրոցներ, որոնք կհամալրվեն կրակային պատրաստության հատուկ կուրս անցած հրահանգիչներով: Այդ դպրոցներում դիպուկահարների ուսուցանման համար մշակվել են համապատասխան ծրագրեր: Դրանցով նախատեսվում է «աշակերտին» ապահովել գիտելիքների համալիր պաշարով, ինչպես, օրինակ` հրետանու կրակի ուղղորդում, ավիացիայի ուղղորդում, հակադիպուկահարային պայքարի վարում և այլն:
Ժամանակակից սպառազինությամբ, տեխնիկական միջոցներով և տեխնոլոգիաներով զինված դիպուկահարների ստորաբաժանումների ստեղծումը նախատեսվում է ավարտել 2016թ.:
Խորագիր՝ Նորություններ, Ռազմական
