ԲԱՐԵՎ, ՍՊԱՅԱԿԱՆ ԿՅԱՆՔ

Շուտով կավարտեմ մարշալ Ա. Խանփերյանցի անվան ռազմաավիացիոն ինստիտուտի մեկամյա դասընթացները: Հպարտ եմ եւ ուրախ, որ շուտով դառնալու եմ հայոց բանակի սպա:

Ակնթարթի պես անցավ ուսումնական տարին՝ հագեցած և բազմաբովանդակ: Ռազմաավիացիոն ինստիտուտում մենք շատ բան սովորեցինք` զինվորական կարգապահություն, համբերատարություն, գիտելիք. փորձեցինք կարճ ժամանակահատվածում յուրացնել նոր մասնագիտություն: Անկեղծորեն խոստովանեմ՝ դժվար էր, շատ դժվար, հատկապես հումանիտար կրթություն ստացածներիս համար: Բայց էլ ի՞նչ զինվորական, եթե այսօրինակ դժվարությունները չհաղթահարի:

Մեր սիրելի դասախոսները` փոխգնդապետներ Գ. Մակվեցյանը, Ա. Մանուկյանը և Ժ. Բարսեղյանը, ենթասպա Ե. Ոսկանյանը ջանք ու եռանդ չեն խնայել մեզ նախապատրաստելու, ընտելացնելու մեր վաղվա գործին:

Առջեւում պետական քննություններն են, եւս մի քանի օր ու…. Բարեւ, սպայական կյանք:

Նելլի ԳԱԼՍՏՅԱՆ

կուրսանտ