ՀԻՇԱՏԱԿԻ ՄԻՋՈՑԱՌՈՒՄ՝ ՆՎԻՐՎԱԾ ԳՆԴԱՊԵՏ ԴԱՎԻԹ ԽԱՉՄԱՆՈՒԿՅԱՆԻ 60 -ԱՄՅԱԿԻՆ
Հունվարի 12-ին «Եռաբլուր» զինվորական պանթեոնում տեղի է ունեցել գնդապետ Դավիթ Խաչմանուկյանի 60-ամյակին նվիրված հիշատակի միջոցառում: Զինվորականի շիրիմին են այցելել հարազատներն ու զինակից ընկերները, ՀՀ ԶՈւ պատրաստության գլխավոր վարչության պետ-զինված ուժերի գլխավոր շտաբի պետի տեղակալ, գեներալ-մայոր Անդրանիկ Մակարյանը:
Կադրային զինվորական Դավիթ Խաչմանուկյանն ակտիվ մասնակցություն է ունեցել Արցախյան ազատամարտում: 1993 թվականին նշանակվել է մոտոհրաձգային բրիգադի, 1996 թվականին՝ զորամասի հրամանատար, 2001 թվականին՝ ՀՀ ՊՆ մարտական պատրաստության վարչության պետի տեղակալ:
2002 թվականի սեպտեմբերի 30-ին մահացել է սրտի կաթվածից: Դավիթ Խաչմանուկյանը «Մարտական խաչ» 2-րդ աստիճանի շքանշանակիր է:
