ՕՊԵՐԱՏԻՎ ՀԱՎԱՔ
ՀՀ ԶՈՒ ՌՔԿՊ զորքերի վարչության 2020թ. պատրաստության պլանի համաձայն՝ ՀՀ ՊՆ վարչական համալիրում օրերս անցկացվել է ԶՈՒ ՌՔԿՊ զորքերի վարչության և ԶՈՒ ԳՇ հաշվարկավերլուծական կայանի սպաների օպերատիվ հավաք:
Հավաքի նպատակը օպերատիվ կազմի սպաների տեսական գիտելիքները, մեթոդական պատրաստության մակարդակը բարձրացնելն ու գործնական ունակությունները կատարելագործելն էր: Մասնակիցներն ուսումնասիրել են օպերատիվ, օպերատիվ-ռազմավարական և օպերատիվ-մարտավարական մասշտաբի ռազմական գործողությունների վարման հիմունքները զորքերի ՌՔԿՊ ապահովումը կազմակերպելիս:
Սպաները ներկայացրել են զեկույցներ՝ զինված ուժերում մասնագիտական գիտելիքների կատարելագործման, ֆունկցիոնալ պարտականությունների կատարման որակական բարելավման ուղղությամբ անհրաժեշտ միջոցառումների վերաբերյալ: Հավաքի ավարտին սպաները հանձնել են ստուգարքներ մասնագիտական պատրաստությունից և ղեկավար փաստաթղթերի իմացությունից:
Հավաքի ղեկավար կազմը փաստել է, որ ՌՔԿՊ միջոցառումների պլանավորման և կազմակերպման ոլորտում մասնակից սպաների ձեռք բերած մասնագիտական գիտելիքները կնպաստեն նաև առօրյա ծառայության ընթացքում զորքերի ղեկավարման առանցքային հարցերում առավել արդյունավետ որոշումների կայացմանը:
