ՀՈՒԳՈ ՉԱՎԵՍՆ ԱՐԵՎՄՏՅԱՆ ԴՐԱՄԱՏՆԵՐԻՑ ԵՏ Է ԲԵՐՈՒՄ ՎԵՆԵՍՈՒԵԼԱՅԻ ՈՍԿԻՆ

Զգուշանալով Վաշինգտոնի հետ սրվող հարաբերությունների պայմաններում իր պետության բանկային հաշիվների սառեցումից, երկրի նախագահը «Վենեսուելայի ինքնիշխանությունը պաշտպանելու նպատակով» սկսել է ԱՄՆ և Եվրոպայի դրամատներից վերադարձնել շուրջ 211 տոննա ոսկին, որի առաջին խմբաքանակն ինքնաթիռով արդեն իսկ տեղափոխվել է Կարակասի միջազգային օդանավակայան և անվտանգության աննախադեպ միջոցառումների ձեռնարկմամբ, բանակային ու ոստիկանական ստորաբաժանումների և հինգ թեթև տանկերի ուղեկցությամբ տեղափոխվել Վենեսուելայի կենտրոնական դրամատուն: Փորձագետները սակայն այս նախաձեռնությունը համարում են անիմաստ ու տնտեսապես վնասակար: