«44 ՕՐ». ՊԱՏԵՐԱԶՄԱԿԱՆ ՕՐԵՐԻ ԼՈՒՍԱՆԿԱՐԱՅԻՆ ՑՈՒՑԱՀԱՆԴԵՍ

Օրերս մայրաքաղաք Երևանի սրտում՝ Հայաստանի պատմության թանգարանում, հետաքրքիր մի ծրագիր իրականացավ. թանգարանային գիշերվա շրջանակում բացվեց լուսանկարների ցուցադրություն, որը նվիրված էր 44-օրյա պատերազմին: Այստեղ էին հավաքվել տարբեր սերունդների ներկայացուցիչներ՝ ծանոթանալու մեր օրերի հերոսներին ու նրանց սխրանքներին: Ցուցահանդեսը կազմակերպել են Երևանի պատմության թանգարանը և Վալերի Բրյուսովի անվան լեզվաբանական համալսարանը: Հավաքածուն բացառիկ պատմություն է հերոսացած հայ զինվորի ու սպայի քաջագործությունների, թիկունքայինների մեծ ու փոքր սխրագործությունների, օտարերկրյա քաղաքների փողոցներում ու հրապարակներում «մարտնչող» հայկական սփյուռքի մասին: Ներկայացված են նաև ճակատից բերված իրեր, որոնք այսօր դարձել են ոգեղեն մասունք ապրողներիս համար: Լուսանկարները ուշագրավ են նաև նրանով, որ դրանք լուսանկարել են հենց իրենք՝ զինվորները, իրենց բջջային հեռախոսներով:

Մոտ 50-ի հասնող լուսանկարների մեծ մասը հավաքել ու ցուցադրության են ներկայացրել Վալերի Բրյուսովի անվան լեզվաբանական համալսարանի ուսանողները:

ԳԱՐԻԿ ԱՎԵՏԻՍՅԱՆ