ՌԴ ՊԵՏԴՈՒՄԱՅԻ ԸՆՏՐՈՒԹՅՈՒՆՆԵՐԻՆ ՄԱՍՆԱԿՑԵԼ ԵՆ ՆԱԵՎ… ՏԻԵԶԵՐՔՈՒՄ

Ռուսաստանյան տիեզերագնացներ Անտոն Շկապլերովն ու Անատոլի Իվանիշինը քվերակել են Մոսկվայի ժամանակով 13.40-14.00-ի ընթացքում, երբ միջազգային տիեզերական կայանն անցել է Ատլանտյան օվկիանոսի վրայով:

Փակ գաղտնի քվեարկության անցկացման համար Թռիչքի ղեկավարման կենտրոն է ժամանել տիեզերագնացների վստահված անձը` Տիեզերագնացների պատրաստման կենտրոնի ներկայացուցիչը, որի և տիեզերագնացների միջև կազմակերպվել է փակ կապի սեանս: Ապա Թռիչքի ղեկավարման կենտրոն է բերվել քվեատուփը, և վստահված անձը լրագրողների ներկայությամբ տուփի մեջ է գցել տիեզերագնացների ընտրությունը պարունակող քվեաթերթիկները: