ՖՐԱՆՍԻԱՅԻ ՊՆ ՆՈՐ ՇԵՆՔԻ ԿԱՌՈՒՑՈՒՄԸ ՔՐԵԱԿԱՆ ԳՈՐԾԻ ՊԱՏՃԱՌ Է ՀԱՆԴԻՍԱՑԵԼ
Ֆրանսիայում հետաքննություն է սկսվել երկրի պաշտպանության նախարարության նոր համալիրի շինարարության նպատակով հայտարարված մրցույթի անցկացման ընթացքում թույլ տրված խախտումների փաստի առթիվ:
Խախտումների մասին հայտնի է դարձել դեռ 2010թ., որից հետո Փարիզի դատախազությունը քրեական գործ է հարուցել կոռուպցիայի, կաշառակերության, արդար մրցակցության կանոնները խախտելու և այլ հոդվածներով:
Առայժմ գործի վերաբերյալ մանրամասներ չեն հաղորդվում, միայն հայտնի է, որ մրցույթի հաղթող Bouygues ընկերությունը նախագծային փաստաթղթերը ստացել է մյուս ընկերություններից մի քանի ամիս շուտ:
Հաղթած ընկերության և կառավարության միջև կնքված պայմանագրի ժամկետը 27 տարի է, համաձայն որի ամեն տարի ընկերությունը ստանալու է 100-150 հազար եվրո, ընդհանուր առմամբ` ավելի քան 4 միլիարդ եվրո: Բուն շինարարությունը պետք է սկսվի 2012թ. և տևի 2,5 տարի: Կկառուցվեն նախարարության, զինված ուժերի գլխավոր շտաբի, այլ ծառայությունների, ինչպես նաև վարչական շենքեր: 320 000 քառակուսի մետր տարածք զբաղեցնող համալիրը նախատեսված կլինի 9300 մարդու համար:
Խորագիր՝ Նորություններ
