ԱԼԺԻՐՈՒՄ ՀԱՅՏՆԱԲԵՐՎԵԼ Է ՔԱԴԱՖԻԻ ԳԱՂՏՆԻ ԶԻՆԱՊԱՀԵՍՏ

Ալժիրի անվտանգության ծառայությունները Սահարայի անապատում՝ Լիբիային սահմանակից Ին-Ամենաս քաղաքից 43 կիլոմետր հեռու հայտնաբերել են երկու գաղտնի զինապահեստ: Նրանցից մեկում գտնվել են «երկիր-օդ» և «երկիր-երկիր» դասի ավելի քան չորս տասնյակ հրթիռներ, ինչպես և այլ զինամթերք: Ենթադրվում է, որ այն պատկանել է գնդապետ Քադաֆիին: Իսկ երկրորդ զինապահեստի պարունակության մասին ոչինչ չի հաղորդվում: