ՌՈՒՍ-ԱՄԵՐԻԿՅԱՆ ՀԱՏՈՒԿՋՈԿԱՏԱՅԻՆՆԵՐԻ ԱՌԱՋԻՆ ՀԱՄԱՏԵՂ ԶՈՐԱԽԱՂԵՐԸ

ԱՄՆ Կոլորադոյի նահանգի Ֆորտ Կարսոն ռազմաբազայում սկսվել են պատմության մեջ հակահաբեկչական ռուս-ամերիկյան առաջին համատեղ զորախաղերը, որին մասնակցում են ՌԴ օդադեսանտային զորքերի մեկ ստորաբաժանում և ԱՄՆ բանակի հատուկ գործողությունների ստորաբաժանումները:

Զորախաղերի առաջին օրը տրվել է գործողության իրականացման մարտական հրամանը, և ռուս ու ամերիկյան դեսանտայինները, բաժանվելով երեք համատեղ խմբերի, ճանապարհ են ընկել և պարաշյուտներով հաջողությամբ նետվել խնդրի կատարման շրջան: Այնուհետև նրանք սկսել են ծպտված մոտենալ հանձնարարված շրջանին, որտեղ, ըստ զորախաղերի մտահղացման, զինված խմբի հետ գտնվում է արմատական անջատողական շարժման ղեկավարը, որը պետք է բերի վերցվի և կամ ոչնչացվի: