ԱՄՆ-Ը ԹՈՒՅԼ ՉԻ ՏԱ ՓԱԿԵԼ ՀՈՐՄՈՒԶԻ ՆԵՂՈՒՑԸ

ԱՄՆ պաշտպանության նախարար Լեոն Պանետտան հայտարարել է, որ Միացյալ Նահանգները Իրանից պատասխան կպահանջի նավթի առևտրի գլխավոր զարկերակի` Հորմուզի նեղուցը փակելու յուրաքանչյուր փորձի համար, և թե Իրանը պետք է հասկանա, որ ԱՄՆ-ը և միջազգային հանրակցությունը Թեհրանին ու նրա հովանավորներին են համարելու նավագնացության յուրաքանչյուր խաթարման անմիջական պատասխանատու:

Պանետտան նաև հիշեցրել է, որ Միացյալ Նահանգները հսկայական միջոցներ է ծախսել Պարսից ծոցում Իրանի ոտնձգություններից նավագնացության պաշտպանության համար և պատրաստ է դեպքերի ցանկացած զարգացման: