ՆՈՐ ՀԱՄԱԿԱՐԳՉԱՅԻՆ ԼՍԱՐԱՆ
ՀՀ ՊՆ Վազգեն Սարգսյանի անվան ռազմական ինստիտուտում նոյեմբերի 20-ին տեղի ունեցավ համակարգչային նոր լսարանի հանդիսավոր բացման արարողությունը, որին մասնակցում էր ՀՀ պաշտպանության նախարար Սեյրան Օհանյանը:
Սեյրան Օհանյանը եւ պաշտպանական գերատեսչության բարձրաստիճան ներկայացուցիչները նախ եղան ռազմաուսումնական հաստատության ամբողջովին նորոգված եւ նորովի կահավորված փառքի սրահում, այնուհետեւ մասնակցեցին ժամանակակից տեխնիկայով, ծրագրային ապահովումներով հագեցած համակարգչային լսարանի հանդիսավոր բացմանը:
Համակարգչային լսարանը կահավորվել է Հայաստանի երիտասարդական հիմնադրամի օժանդակությամբ:
Հայաստանի երիտասարդական հիմնադրամի՝ զորամասերում եւ ռազմաուսումնական հաստատություններում բացած արդեն 8-րդ համակարգչային լսարանը Ռազմական ինստիտուտի սաներին հնարավորություն կտա առավել արդյունավետ կազմակերպելու ուսումնական գործընթացը: Առաջիկայում այն նաեւ կհարստացվի էլեկտրոնային գրադարանով:
Խորագիր՝ #46 (1064) 27.11.2014 – 3.12.2014, Ազգային բանակ
