ՄԵԾԱՐՎԵՑԻՆ ԶԱՆԳԱԿԱՏԱՆ ԱԶԱՏԱՄԱՐՏԻԿՆԵՐԸ

Օրերս Արարատի մարզի Զանգակատուն գյուղի միջնակարգ դպրոցում կայացած տոնական հանդիսության ընթացքում մեծարվեցին գյուղի կամավորական ջոկատի հրամանատար Ժորա Մկրտչյանն ու պահեստազորի մայոր, կամավորական շարժման անձնուրաց նվիրյալ Գևորգ Պետրոսյանը:

Կամավորականներին և Արցախյան ազատամարտին նվիրված ոգեշունչ խոսքով հանդես եկան դպրոցի փոխտնօրեն Սոկրատ Խաչատրյանը, զինղեկ Ալբերտ Խանգալդյանը, պատմաբան Արմեն Կարապետյանը, փոխգնդապետ Մարտին Բաղդասարյանը եւ ուրիշներ:

Բուռն ծափողջույնների ներքո Ժորա Մկրտչյանին հանձնվեց «Ղարաբաղյան պատերազմի վետերան» հուշամեդալը:

Հանդիսության ընթացքում հայրենասիրական շնչով երգ ու ասմունք հնչեց Զանգակատան դպրոցականների կատարմամբ:

Ա. Կարապետյան
Զանգակատուն-Երևան