ՀԱՆՈՒՆ ՀԱՅՐԵՆԻՔԻ՝ ՊԱՏՐԱՍՏ ԵՆՔ…

Ընդամենը օրեր անց ես կմիանամ իմ ծառայող եղբայրներին եւ պատիվ կունենամ կրելու հայրենիքի պաշտպանի վեհ կոչումը…

Հայրենասիրությունը իմ, եղբայրներիս, յուրաքանչյուր հայի արյան մեջ է: Մեր ոգին անկոտրում է Չաուշի, Անդրանիկի, Նժդեհի, մեր նորօրյա հերոսների օրինակով դաստիարակվելու շնորհիվ: Խոնարհվում եմ մարտական դիրքերում հայրենիքի սահմանները պաշտպանելիս հերոսաբար զոհված տղաների ծնողների առջեւ: Ձեր վիշտը մեծ է, հպարտությունը՝ առավել: Սուրբ գործի համար ընկած ձեր որդիներն անմահ են, նրանք մեր մեջ են, մեր շարքերում եւ շարունակելու են իրենց կռիվը:

Ես, եղբայրներս՝ մեր սերունդը բոլորս էլ ձեր որդիներն ենք, մեր քաջ նախնիների արժանի հետնորդները: Այժմ էլ մեր հերթն է ծառայելու եւ մեր պարտքը տալու ՀԱՅՐԵՆԻՔԻՆ: Պատրաստ ենք կանգնելու թշնամու առաջ՝ հաղթելու եւ ապրելու համար…

ԱՐԵՎՇԱՏՅԱՆ ԳՈՌ