ԱՄԵՐԻԿԱՑԻՆԵՐԸ ԳՆԴԱԿՈԾԵԼ ԵՆ ԳԵՐՄԱՆԱԿԱՆ ՔԱՂԱՔԸ

Գերմանական ռազմական հրաձգարանում անցկացվող զորավարժության ժամանակ ամերիկացի զինծառայողները պատահաբար գնդակոծել են 5 կմ հեռավորության վրա գտնվող Գրաֆենվեր քաղաքը:

12,7 մմ տրամաչափի գնդացրից արձակված փամփուշտները վնասել են վարժարանի շենքը, բնակելի մի տուն և ավտոտնակ: Դեպքի հետևանքով տուժածներ չկան:

Ամերիկյան կայազորի պատասխանատուները խոստացել են վերանայել անվտանգության գործող նորմերը հետագայում նման միջադեպերը բացառելու նպատակով: