ԻՍՐԱՅԵԼԸ ԿՍՏԵՂԾԻ ԱՄԵՆԱԱՐԴՅՈՒՆԱՎԵՏ ՀՕՊ ՀԱՄԱԿԱՐԳԸ

Իսրայելը որոշել է ստեղծել աշխարհում ամենաարդյունավետ ՀՕՊ համակարգը: Շուտով պատրաստ կլինի քառաստիճան ՀՕՊ համակարգի պլանը, որի իրագործումը Իսրայելը կդարձնի ցանկացած հրթիռային հարձակումից աշխարհում լավագույնս պաշտպանված պետություն:

Գործընթացը կավարտվի մինչև 2015թ. և կարժենա 2,5 միլիարդ դոլար:

Առաջին և երկրորդ աստիճաններում գործող կայանները կկարողանան ոչնչացնել հակառակորդի բալիստիկ հրթիռները: Երրորդ աստիճանի հակահրթիռները կվնասազերծեն հեռահար հրետանու արկերը, ցամաքից և ծովից արձակված հրթիռները: Չորրորդ աստիճանը կկազմեն փոքր և միջին հեռավորության գործողության շառավղով «Երկաթե գմբեթ» կայանները:

Բոլոր բաղկացուցիչ մասերը կհամալրվեն ամերիկյան և իսրայելական տիեզերական արբանյակների միացյալ ցանցին կապված ռադարներով: