«ԼԻՍՏԻԿ» ՊԱՐԱՇՅՈՒՏԸ ՆԱԽԱՏԵՍՎԱԾ Է ԴԵՍԱՆՏԱՅԻՆՆԵՐԻ ՀԱՄԱՐ
Մոսկվայի` պարաշյուտների պատրաստման գիտահետազոտական ինստիտուտի մասնագետները օդադեսանտային զորքերի համար նախատեսված «Լիստիկ» նոր պարաշյուտ են ստեղծել:
Գիտահետազոտական ինստիտուտի գլխավոր տնօրենի տեղակալ Յուրի Նազարենկոն հայտնել է, որ «Լիստիկն» արդեն փորձարկում են հմուտ պարաշյուտիստները:
Նոր պարաշյուտը հնարավորություն է տալիս օդում շրջադարձեր կատարել, ընթանալ քամու ուղղությամբ և հակառակ, անվտանգ վայրէջք կատարել: Այն ավելի թեթև է կշռում, քան ներկայումս օդադեսանտային զորքերում կիրառվող Դ-10 պարաշյուտը: Բացի այդ, վերջինս նախատեսված է 140 կգ ծանրության համար, իսկ «Լիստիկը»` 165 կգ:
Նոր պարաշյուտի նախագծումն իրականացվում է ինստիտուտի սեփական միջոցներով, քանի որ ՌԴ պաշտպանության նախարարությունը դադարեցրել է ծրագրի ֆինանսավորումը:
Ֆինանսավորումը վերականգնելու դեպքում արդեն 1,5 տարի հետո հնարավոր կլինի սկսել սերիական արտադրությունը:
Խորագիր՝ Նորություններ, Ռազմական
