ԿԱՐԳՈՒԿԱՆՈՆԸ ԿՊԱՀՊԱՆԻ ՊԱՐԵՏԱՅԻՆ ԾԱՌԱՅՈՒԹՅՈՒՆԸ

ՌԴ նախագահ Դմիտրի Մեդվեդևի հրամանագրի համաձայն` փոփոխություններ են կատարվել երկրի զինված ուժերի կայազորային և պահակային, ներքին ծառայության, կարգապահական կանոնադրություններում:

Պարետային ծառայությունը ստացել է առանձին ինքնուրույն կառույցի կարգավիճակ և այսուհետ կայազորներում պահպանելու է զինվորական իրավակարգն ու կարգապահությունը:

Փոփոխությունները պարետային ծառայության գործունեության իրավական հիմք են ստեղծում, տարանջատում են կայազորի պետի և զինվորական պարետի լիազորությունները, ինչը մասնագետների կարծիքով կնպաստի կայազորներում կարգապահության բարձրացմանը:

Նախկինում իրավակարգի պահպանման պարտականությունները կատարում էին տարբեր ծառայություններ և պաշտոնատար անձինք: