ՊԱՅԹՅՈՒՆԻ ՀԵՏԵՎԱՆՔՈՎ ԶՈՀՎԵԼ Է 6 ԶԻՆԾԱՌԱՅՈՂ

Աստրախանի շրջանում գտնվող Աշուլուկ ռազմափորձադաշտում տեղի ունեցած պայթյունի հետևանքով զոհվել են առնվազն 6 զինծառայողներ, 12-ը վիրավորվել են:

Պայթյունը տեղի է ունեցել օգտահանման ենթակա զինամթերքը բեռնատարից դուրս բերելիս: Փաստի առթիվ ՌԴ Զինվորական գլխավոր դատախազությունում հարուցվել է քրեական գործ շրջապատի համար վտանգ ներկայացնող զենքի և առարկաների հետ վարվելու անվտանգության կանոնները չպահպանելու հոդվածով:

Նախնական տվյալներով, կամայականորեն գործարկվել է «Գրադ» կայանքի զինամթերքներից մեկի երթային շարժիչը: Օդային ռեակտիվ հոսքը հանգեցրել է մի քանի արկերի ճայթյունի: