ՀԱՎԱՔ-ՊԱՐԱՊՄՈՒՆՔՆԵՐ

Հավաք-պարապմունքների ընթացքում օգոստոսի 28-ին դասախոսությունով հանդես են եկել ՀՀ ՊՆ իրավաբանական վարչության պետ Սասուն Սիմոնյանը, ՀՀ ԶՈՒ ԳՇ ռազմավարական պլանավարման  վարչության պետ, գեներալ-մայոր Գենադի Տավարածյանը, նույն վարչության պետի տեղակալ, գնդապետ Արմեն Առուստամյանն ու վարչության ավագ սպա, գնդապետ Արթուր Զախրաբեկյանը:

Բանախոսներն անդրադարձել են  պետության պաշտպանության կազմակերպման իրավական հիմքերին, այդ գործընթացը կարգավորող օրենքներին և սահմանադրության համապատասխան կետերին, ինչպես նաև ներկայացրել են  պետական միասնական կառավարման համակարգի՝ խաղաղից պատերազմական ժամանակաշրջանի փոխադրման հիմնադրույթները: Անդրադարձ  է կատարվել ժամանակակից պատերազմների բնույթին և  ռազմական գործողությունների վարման եղանակներին: