ԱՄՆ-Ը ԿՐՃԱՏՈՒՄ Է ԶԻՆՎՈՐԱԿԱՆ ՆԵՐԿԱՅՈՒԹՅՈՒՆԸ ՊԱԿԻՍՏԱՆՈՒՄ
ԱՄՆ-ը և Պակիստանը պայմանավորվել են վերջինիս տարածքում ամերիկյան զորքերի զգալի կրճատման մասին: Պակիստանում կմնան 100-150 զինծառայողներ, ընդ որում տեղի զինվորականներին ուսուցանող ամերիկացի 140 հրահանգիչներից կմնան միայն մի քանիսը:
Տվյալ համաձայնագիրը վկայում է երկու երկրների միջև հարաբերությունների որոշակի լավացման մասին, քանի որ դեռ մի քանի ամիս առաջ Պակիստանի իշխանությունները պահանջում էին ամբողջովին դուրս բերել ամերիկյան զորքերը:
Երկու պետությունների հարաբերությունները կտրուկ վատացան այն բանից հետո, երբ այս տարվա մայիսին ամերիկացիները առանց պակիստանցիներին տեղյակ պահելու իրականացրեցին Ալ Քաիդայի առաջնորդ Օսամա Բեն Լադենի ոչնչացման օպերացիան: Մինչ այդ Պակիստանը համարվում էր ասիական տարածաշրջանում ԱՄՆ ավանդական գործընկերը:
Վերջին տարիներին Վաշինգտոնը միլիոնավոր դոլարներ է հատկացրել տեղի զինվորականներին պատրաստելու համար, որոնք պետք է պայքարեին գրոհայինների դեմ: Թեև պարբերաբար տարբեր պաշտոնյաներ և զինվորականներ այն տեսակետն են հայտնել, որ Պակիստանի հետախուզությունը սերտորեն կապված է Թալիբան, Ալ Քաիդա և ահաբեկչական այլ խմբավորումների հետ:
Խորագիր՝ Նորություններ, Ռազմաքաղաքական
