ԱՄՆ-Ը ԱՅՍՈՒՀԵՏ ԶՈՐՔԵՐՆ ԱՖՂԱՆՍՏԱՆ ԿՈՒՂԱՐԿԻ ՈՒԶԲԵԿՍՏԱՆԻ ՏԱՐԱԾՔՈՎ

Վաշինգտոնը մտադիր է արմատապես վերանայել Աֆղանստանում իր զորախմբի մատակարարման երթուղիները: Ուզբեկստանի տարածքով այլընտրանքային ուղու ստեղծման հեռակարները, որոնք լիովին համահունչ են Տաշքենդի հետ հարաբերությունների բարելավման` Վաշինգտոնի որդեգրած ուղեգծին, Բարաք Օբաման քննարկել է Ուզբեկստանի նախագահ Իսլամ Քարիմովի հետ:

Ուզբեկստանի տարածքով մարտական տեխնիկայի մատակարարման «Հյուսիսային միջանցքը» գործում է վաղուց, իսկ այժմ խոսքը գնում է կենդանի ուժի տեղափոխման մասին, ինչը մեծապես կմեծացնի Ուզբեկստանի դերն ամերիկյան զորախմբի մատակարարման նոր երթուղում: