ԵՄԵՆԻ ՌԱԶՄԱՕԴԱՅԻՆ ՈՒԺԵՐԸ ԴԻՎԵՐՍԻԱՅԻ ՀԵՏԵՎԱՆՔՈՎ ԾԱՆՐ ՀԱՐՎԱԾ ԵՆ ՍՏԱՑԵԼ

Եմենի մայրաքաղաք Սանայի միջազգային օդանավակայնին հարող «Էդ-Դալայմի» ավիաբազայում գիշերը որոտացած չորս ուժգին պայթյունների հետևանքով ուժեղ հրդեհ է բռնկվել: Երեք կործանիչներ պայթեցվել են, իսկ երեքը՝ մասնակիորեն տուժել: Բոլոր ինքնաթիռներն առավոտյան պետք է մեկնեին մարտական առաջադրանքի: Ավիաբազան բերվել է մարտական պատրաստության բարձր վիճակի, ողջ տարածքում խուզարկություններ են իրականացվում: Դիվերսիայի հետևանքով երկու ժամով փակվել է նաև Սանայի միջազգային օդանավակայանը: