ԱԶԱՏԱԶՐԿՈՒՄ` ՌՈՒՍԱԿԱՆ ԸՆԿԵՐՈՒԹՅԱՆ ՕԳՏԻՆ ՇԱՀԱԽՆԴԻՐ ԼՈԲԲԻՆԳԻ ՀԱՄԱՐ

Բելառուսի գլխավոր դատախազի տեղակալը հայտարարել է, որ երկրի ռազմաօդային ուժերի և հակաօդային պաշտպանության նախկին հրամանատար Իգոր Ազարենկոն, խիստ ռեժիմի գաղութում ինը տարվա ազատազրկման դատապարտվելուց զատ, զրկվել է նաև գեներալ-մայորի կոչումից: Վերջինս, չարաշահելով իր պաշտոնական դիրքը, զորատեսակի սպառազինության համար անհրաժեշտ սարքավորումներ գնելու ընթացքում պաշտպանել է ռուսական մի ընկերության շահերը, ինչի դիմաց ստացել է առանձնապես խոշոր չափերի կաշառք: