ՈՉՆՉԱՑՎԵԼ Է ՍՈՒԴԱՆԻ ԱՊՍՏԱՄԲՆԵՐԻ ՂԵԿԱՎԱՐԸ

Ապստամբական ամենախոշոր խմբավորումներից «Հանուն արդարության ու հավասարության շարժումը» հաստատել է երկրի ռազմաօդային ուժերի ավիահարվածից անցած շաբաթ իր առաջնորդ Խալիլ Իբրահիմի մահը և հայտարարել, որ «Նահատակների արյունն իզուր չի հեղվել, և ովքեր սպանել են նրան, կրկնակի կհատուցվեն»:

Սուդանի կառավարության դեմ զինված պայքար մղող այս խմբավորումը, որը գործում է հիմնականում պետության արևմտյան հատվածում, 2008 թվականին գրոհեց անգամ երկրի մայրաքաղաք Խառտումը: