Բանակ և հասարակություն
Տավուշի մարզն ամենաերկար սահմանն ունի ադրբեջանցիների հետ: 1994 թվականի մայիսից մինչեւ հիմա՝ այս հայտարարված ու չհայտարարված պատերազմում, այստեղ երբեք չեն դադարել պայթյուններն ու կրակոցները: Երեխաներն անգամ տարբերում են, թե որ զինատեսակից արձակած գնդակն է ջարդում իրենց տան տանիքը կամ փշրում պատուհանի ապակին, կահույքն ու սպասքը:
Եռօրյա շրջայցը կազմակերպել էր ԵՊՀ ուսանողների հետ տարվող աշխատանքների կենտրոնը՝ ԼՂՀ պաշտպանության նախարարության հետ համատեղ: Հոգեբան-սպաների վերապատրաստման ծրագիրը բաղկացած է 3 փուլից, որի 1-ին և 2-րդ փուլերն անցկացվելու են Արցախում, իսկ 3-րդը՝ մայրաքաղաքում: Բացի բուն ծրագրից՝ համալսարանականները մասնակցեցին նաև այլ ծրագրերի ու գիտաճանաչողական այցերի:
Այժմ իմ երկու որդիները՝ Նորայրն ու Ռուբենը, ծառայում են առաջնագծում: Նորայրին հաշված օրեր է մնացել, իսկ Ռուբենին դեռ 8 ամիս կա, և տա Աստված, որ սահմանում ամեն ինչ խաղաղ լինի, և մեր քաջ որդիները բարով ու անվնաս դառնան տուն: Հունիսի 2-ին լրանում է Նորայրիս 23, իսկ հուլիսի 23-ին՝ Ռուբենիս 20 ամյակը, և առիթից օգտվելով՝ ուզում եմ շնորհավորել նրանց իմ և իմ ընտանիքի անունից:
Ասում են` հրամանատարը զորամասի դեմքն է: Փոխգնդապետ Սուրեն Մարտիրոսյանն այնքան էլ վաղուց չէ, որ նշանակվել է զորամասի հրամանատար, սակայն այս կարճ ժամանակահատվածում իր մարդկային ջերմ, հոգատար վերաբերմունքով արդեն իսկ նվաճել է ծառայակիցների, իր զինվորների հարգանքն ու վստահությունը:
Մայիսի 27-ին Հայաստանի Հանրապետության շուրջ 25 հազար դպրոցականների համար 1400 դպրոցներում հնչեց վերջին զանգը` մատաղ սերնդի կյանքում խորհրդանշելով բացվող նոր էջը: Վերջին զանգի այս տարվա արարողությունը սակայն ինքնատիպ էր ու առանձնահատուկ. այն նվիրված էր հայոց բանակին ու զինվորին: Բոլոր դպրոցներում մեկ րոպե լռությամբ հարգեցին ապրիլյան քառօրյա պատերազմում զոհված զինծառայողների հիշատակը:
Երեւանի Մանուել Քաջունու անվան թիվ 54 դպրոցում եւս ավարտական դաս էր: Հրաժեշտի եւ շնորհակալության խոսքեր, ժպիտ, հուզմունք, թախիծ, ամեն ինչ միախառնվել էր: Միջոցառումը կրթօջախում սկսվեց լռության րոպեով` ի հիշատակ ապրիլյան քառօրյա պատերազմում զոհված զինվորների: Ուսուցիչ-աշակերտ խաղաղ բացվող ամեն օրվա համար շնորհակալական խոսքեր ուղղեցին սահմաններն անառիկ ու անսասան պահող զինվորներին: