ՀՀ ՊՆ Մոնթե Մելքոնյանի անվան ռազմամարզական վարժարանի 69 սաների համար մայիսի 23-ը տոնական էր` հնչեց վերջին զանգը: Ավարտական դասարանի սաները հագել էին տոնական համազգեստ, իրենց կրծքին փակցրել էին Մոնթեի լուսանկարով եռագույն ժապավեններ՝ կանգնելով ավելի զգաստ, քան երբեւէ: Նրանց շնորհավորելու էին եկել պաշտպանության նախարար Սեյրան Օհանյանը, կրթության և գիտության նախարար Արմեն Աշոտյանը, պաշտպանության փոխնախարար Դավիթ Տոնոյանը, բարձրաստիճան սպաներ, հյուրեր, ծնողներ:

Ինչպես եւ հանրային կյանքի մյուս շատ ոլորտներում, այնպես էլ զինված ուժերում բարեկրթության, բարեվարքության կանոնների մշակույթը պատշաճ մակարդակի վրա պահպանելը անհրաժեշտ խնդիր է: Այն առանցքային հարց է մանավանդ զինված ուժերում, որը բաղկացած է հասարակական զանազան շերտերի ներկայացուցիչներից, եւ որտեղ սերնդափոխությունը չընդհատվող գործընթաց է: Բնականաբար, տարաբնույթ արժեքային համակարգ ունեցող մարդկանց այնքան էլ հեշտ չէ մեկտեղելն ու ինտեգրելը ընդունված վարքականոնի սահմանների մեջ:

Արցախյան գոյամարտի հրամայականով ստեղծված հայկական բանակն իր հաղթանակը նվաճեց ներքին ուժի ու անկոտրում կամքի շնորհիվ: Այն այսօր հուսալիորեն պաշտպանում է մեր երկրի սահմանների անձեռնմխելիությունը: Զինտեխնիկայով հարուստ բանակ ունենալուն զուգահեռ չպետք է մոռանալ, որ լավագույն զենքն անգամ անզոր է դառնում թուլակամ զինվորի ու հրամանատարի ձեռքում: Հետևաբար, այսօր մեր բանակի առջև ծառացած կարևորագույն խնդիրներից է զինված ուժերը ոչ միայն անհրաժեշտ տեխնիկայով, այլև որակյալ մարդկային ներուժով` լինի շարքային, թե հրամանատար, ապահովելն է, անձնակազմի բարոյահոգեբանական վիճակի ճիշտ գնահատումն ու վերահսկումը:

Էրեբունի վարչական շրջանի Գոգոլի անվան թիվ 35 դպրոցի տնօրինության (տնօրեն` Ա. Սարյան, զինղեկ` մայոր Ռ. Անուշավանյան) և շրջանի պատանի երկրապահների (ղեկավար` Ս. Խաչատրյան) միասնական ջանքերով դպրոցի հրապարակում տեղի ունեցավ հրաշալի, գեղեցիկ միջոցառում` նվիրված մայիսյան հաղթանակներին: Միջոցառմանն իրենց գործուն մասնակցությունն էին բերել թիվ 194, 107, 47, 167, 160, 70, 60 և 6-րդ դպրոցի պատանի երկրապահները, ինչպես նաև թիվ 70 մանկապարտեզի սաները:

Մայիսի 12-ին ՄԷՍԻ համալսարանի երևանյան մասնաճյուղի ուսանողներն այցելեցին Երևանի զորամասերից մեկը. սա համալսարանականների երրորդ այցն էր զինված ուժեր: Ուսանողներին ջերմ և սիրով դիմավորեց զորամասի հրամանատարի ԱՀՏԱ գծով տեղակալ փոխգնդապետ Ա.Դանիելյանը: Նա հանգամանալի ներկայացրեց զինված ուժերում իրենց զորքերի դերն ու նշանակությունը, ներկայացրեց զորամասի առօրյան, պատասխանեց ուսանողներին հուզող հարցերի: Զորամասի հրամանատար գնդապետ Ա. Կոտոյանի կարգադրությամբ ուսանողներին ներկայացվեցին մի շարք զինատեսակներ, բացատրվեց դրանց օգտագործման ձևերը, ցույց տրվեցին տարբեր նպատակներով նախատեսված զինվորական համազգեստներ:

Իմ զինվոր որդիներ, սիրելի Լյուդվիգ եւ Գոռ, մայիսի 24-ը ձեր ծննդյան օրն է: Երբ դուք լույս աշխարհ եկաք, մեր ընտանիքում իսկական տոն էր, մեզ աչքալուսանք էին տալիս անգամ անծանոթ մարդիկ. երկու արու զավակ ունենալը, իրոք, հրաշքի է նման:
19 տարի է անցել այն օրից. հավատս չի գալիս: Ո՜նց մեծացաք…
Հիմա դուք զինվոր եք, եւ ես անասելի հպարտանում եմ ձեզնով: Երբ առաջին անգամ տեսա ձեզ զինվորական համազգեստով, զենքով, երջանկությունից սիրտս լցվեց:

Ստեփան Զորյանի անվան համար 56 դպրոցում տրվեց «Ես գիտեմ. բանակ եւ իրավագիտություն» կրթական նոր խաղի մեկնարկը:
ՀՀ պաշտպանության նախարարության, ՀՀ-ում ԱՄՆ դեսպանատան, «Dasaran» կրթական ծրագրի և «Նոր սերնդի դպրոց» հասարակական կազմակերպության համատեղ մշակած «Ես գիտեմ. բանակ և իրավագիտություն» կրթական նոր խաղը բաղկացած է 5 հիմնական բաժիններից` ՀՀ սահմանադրական իրավունք, ՀՀ ՄԻՊ-ի մասին օրենքներ, ՀՀ օրենքներ երեխայի իրավունքների մասին, ՀՀ զինվորական օրենսդրություն, ՀՀ քրեական օրենսգիրք: