Անցած օրերին թշնամու խափանարար գործողությունների ժամանակ զոհված մեր սահմանապահների մասին «Հայ զինվոր» պաշտոնաթերթում «Մեր նորօրյա հերոսները» խորագրի ներքո տպագրված Գայանե Պողոսյանի «Բարձրանում եմ…» և Սամվել Հարությունյանի «Մեր ժամանակի հերոսը» վերտառությամբ ակնարկները՝ նվիրված «Արիության մեդալի» ասպետներ, ժամկետային զինծառայողներ, շարքային Ազատ Ասոյանի և սերժանտ Սարգիս Մովսիսյանին շարունակում են իրենց արձագանքները գտնել մեր Ֆեյսբուքյան էջում՝ 39000, հավանում` 1013, կիսում` 546: Աննախադեպ քանակությամբ դիտումներ, հավանումներ…

Վերջին ժամանակներս սահմանի ողջ երկայնքով լարված իրադրությունը ոտքի հանեց Արցախյան ազատամարտի շատ մասնակիցների: Օգոստոսի 3-ից սկսած՝ Քաշաթաղի շրջանից կամավորականները Արցախի ազատամարտիկների միության (նախագահ՝ գեներալ-մայոր Ս. Կարապետյան) նախաձեռնությամբ, շրջվարչակազմի ղեկավար Սուրեն Խաչատրյանի գլխավորությամբ, երկու հերթափոխով մի քանի օրով դիրքերում զինվորների կողքին պաշտպանում էին սահմանը: Հայրենիքի կանչին անմասն չմնացին նաև Քաշաթաղում բնակություն հաստատած սիրիահայերը:

Բանակ-հասարակություն, ծնող-հրամանատար հարաբերությունները ամրապնդելու և համագործակցությունը խորացնելու նպատակով ՀՀ պաշտպանության նախարարության և Արագածոտնի մարզպետարանի համատեղ նախաձեռնությամբ առաջին բանակային զորամիավորման ենթակա զորամասերում ծառայություն անցնող տասնյակ զինվորներ հնարավորություն ունեցան հանդիպելու իրենց ծնողներին:

Ես շատ պատմություններ եմ լսել բանակի և ծառայության մասին և գիտեմ, որ սահմանին կյանքն ամենևին էլ խաղաղ չէ: Գիտեմ, որ զինվորներն իրենց օրը սահմանում սկսում են աղոթքով և աղոթքով էլ ավարտում են: Գիտեմ, որ նրանց սրտին սեղմված զենքը յուրաքանչյուր վայրկյան պատրաստ է շիկանալ` պաշտպանելով հայրենիքի սահմանները:

Տրդատ ջան, նախ բարի զորակոչվեցիր, բարի զինվորացար և բարի ծառայություն քեզ ու ծառայակից ընկերներիդ, քեզ ու բոլոր զինվորներին։ Եկանք, տեսանք, հիացանք, հուզվեցինք։ Այդքան զինվոր միասին տեսնելն արդեն հուզիչ է, ոգևորող։ Հպարտությո՛ւն է։ Զինվորական երդման արարողությունը ծառայության սկիզբն է միայն, նախերգանքը։

Հարգելի «Հայ զինվոր» թերթի խմբագրություն։
Ձեզ գրում է շարքային Սերգեյ Շեկոյանի մայրը։ Ես՝ պահեստազորի ավագ ենթասպա Կարինե Շեկոյանս, այժմ զինվորական կենսաթոշակառու եմ։ Տղաս՝ շարքային Սերգեյ Շեկոյանը, 2013-ին զորակոչվել է բանակ։ Օգոստոսի 13-ին լրանում է նրա 19 տարին։ Տղաս իմ միակ զավակն է, ուստի, որպես ծննդյան օրվա շնորհավորանք, խնդրում եմ տպագրել իմ գրած բանաստեղծությունը, որը նվիրում եմ բոլոր զինվորներին և այն մայրերին, որոնք անհամբեր սպասում են հայոց բանակում ծառայող իրենց զավակներին։

«Միդիա-Շանգալ» եզդիների ազգային միավորում ՀԿ-ի խորհուրդը, անդամները և հայաստանաբնակ եզդիները ցավակցում ենք վերջին մի քանի օրերին ադրբեջանական դիվերսիոն խմբերի հետ հաղթական մարտերում իրենց կյանքը զոհաբերած զինվորների հարազատներին և խոնարհվում ենք երիտասարդների շիրիմների առաջ: Փառք Աստծո, մեր բանակը հաջողությամբ կատարեց իր առջև դրված խնդիրները, եւ մեր փառապանծ զինվորը հայրենիքին նվիրվածության և հավատարմության, խիզախության ու քաջության անմոռաց օրինակներ ցույց տվեց: