Ուկրաինայի Լվովի մարզի գյուղերից մեկում բնակչության շրջանում կատարված հարցումից հետո Խաղաղության փողոցը վերանվանվել է «Նախտիգալ» գումարտակի զինվորների անունով: Հատուկ նշանակության այս գումարտակը, որն անվանում են նաև Ստեփան Բանդերայի անվան ուկրաինական լեգեոն, աբվերը ստեղծել էր 1941 թվականին։ Այն հիմնականում զբաղվում էր խորհրդային բանակի դեմ խափանարար գործողություններով:

Տաջիկստանը Չինաստանին է հանձնել Հարավային Պամիրում գտնվող Լեռնային Բադաշխանի Ինքնավար Մարզի մի մասը` ուրանով, ոսկով և այլ թանկարժեք հանածոներով հարուստ, 1158 քառակուսի կիլոմետր մակերեսով, երկրի ընդհանուր տարածքի 1%-ը կազմող տարածքը:
Ընդդիմությունը Տաջիկստանի իշխանությունների որոշման առթիվ բուռն բողոք է հայտնել և հայտարարել, որ «երկրի պատմության այդ սև բիծը չի ջնջվի մի քանի սերունդների հիշողությունից»:
Ընդիմությունը պնդում է, որ ոտնահարվել է երկրի սահմանադրությունը, քանի որ ինքնավար մարզի սահմանները կարող են փոփոխվել միայն մարզի բնակչության հանրաքվեի արդյունքում, և ոչ թե կենտրոնական իշխանությունների որոշմամբ:

Դրանք նախատեսված են միջուկային մարտագլխիկ և 10.000 կիլոմտեր հեռահարություն ունեցող «Ագնի-5» միջմայրցամաքային բալիստիկ հրթիռի ուղղորդման համակարգի համար: Ըստ հնդկական աղբյուրների` համաձայնությունը ձեռք է բերվել Հնդկաստանի պաշտպանության նախարարի ղեկավարած պատվիրակության այցի ընթացքում:
Աշխարհում նման հեռահարությամբ հրթիռներ ունեն միայն Ռուսաստանը, ԱՄՆ-ը, Մեծ Բրիտանիան, Ֆրանսիան ու Չինաստանը:

ՀՀ պաշտպանության նախարարի առաջին տեղակալ ԴԱՎԻԹ ՏՈՆՈՅԱՆԻ հարցազրույցը ռուսական «РИА НОВОСТИ» լրատվական գործակալությանը (http://www.ria.ru/interview/20110928/445212574.html): Զրույցը վարում է հատուկ թղթակից Իվան Կոնովալովը: -Աշխարհի առաջավոր երկրների, այդ թվում Ռուսաստանի բանակներում կատարվում են մեծածավալ բարեփոխումներ: Ի՞նչ իրավիճակ է Հայաստանի բանակում: -Հայաստանի ԶՈՒ բարեփոխումները սկսվել են 2006թ.: Դրանց նպատակն է ստեղծել արդյունավետ պաշտպանական համակարգ, որը չպետք է լինի գործող […]

Դիվանագիտական դաշտում Թուրքիան ուժերի գերլարումով հասավ այն բանին, որ 1921թ. մարտի 16-ին Կարսում ստորագրված թուրք-բոլշեւիկյան պայմանագրով Թուրքիային նվիրվեցին Կարսի, Արդահանի մարզերը, Սուրմալուի գավառը։ Ադրբեջանի հետ տարածքային կապ հաստատելու համար Թուրքիան պայմանագրի մեջ առանձին կետով պահանջեց Նախիջեւանը հանել Հայաստանի կազմից եւ դնել Ադրբեջանի տիրապետության տակ։ Սա բխում էր թուրքերի համաթրքության ծրագրից, ըստ որի` Ադրբեջանը Թուրքիայի անբաժան մասն է։

2010թ. Հդկաստանը դարձել է աշխարհում սովորական սպառազինության խոշորագույն գնորդ` ներկրելով 5,8 միլիարդ դոլարի ռազմական արտադրանք: Այդ մասին հայտնել է FirstPost գործակալությունը` հենվելով ԱՄՆ Կոնգրեսի ներկայացրած տվյալների վրա:
Երկրորդ տեղում Թայվանն է, որը գնել է 2,7 միլիարդ դոլարի ռազմական տեխնիկա, երրորդ տեղում` Սաուդյան Արաբիան 2,2 միլիարդ դոլարով, թեև նույնքան ծախսել է նաև Պակիստանը:
ԱՄՆ Կոնգրեսի տվյալների համաձայն` նախորդ տարի աշխարհում ամենից շատ սպառազինություն գնել են զարգացող երկրները` շուրջ 30,7 միլիարդ դոլարի: Զարգացած պետություններն ընդհակառակը, նվազեցրել են գնումների ծավալները ռազմական ծախսերի կրճատման ծրագրերի պատճառով:

ԱՄՆ պաշտպանության նախարար Լեոն Պանետտան մտահոգված է Իսրայելի շարունակական մեկուսացմամբ և երկրի իշխանություններին կոչ է արել կարգավորել դիվանագիտական հարաբերությունները տարածաշրջանի նախկին գործընկերների հետ:
Նրա կարծիքով աճող մեկուսացումը առավել ևս անցանկալի է, եթե հաշվի առնենք վերջին շրջանում արաբական մի շարք երկրներում տեղի ունեցած հեղափոխությունները և կանխատեսվող դեմոկրատական բարեփոխումները:
Պանետտան ընդգծել է, որ ռազմական գերակայությունը չի կարող փոխհատուցել դիվանագիտական ոլորտի թուլությունը, այդ պատճառով էլ Իսրայելը պետք է վերականգնի բարեկամական հարաբերությունները Եգիպտոսի, Թուրքիայի և մյուս պետությունների հետ` հենվելով ԱՄՆ համակողմանի աջակցության վրա: