Վերջին օրերին Ադրբեջանի ղեկավարությունը փորձեր է ձեռնարկում հրաժարվելու անցյալ շաբաթվա վերջին վնասազերծված ադրբեջանական դիվերսիոն խմբի գերեվարված անդամներից, միաժամանակ ջանալով, որ նրանց տրվի ռազմագերիների կարգավիճակ: Տվյալ պարագայում դա անհնարին է, քանզի Միջազգային մարդասիրական իրավունքը, մասնավորապես` «Ռազմագերիների հետ վարվելակերպի մասին» Ժնևի կոնվենցիայի 4-րդ հոդվածը, հստակ սահմանում է այն անձանց, որոնց կարող է տրվել ռազմագերու կարգավիճակ:

Հյուսիսային Իրաքում վերջին շաբաթների ընթացքում ձևավորված իրավիճակը ցույց է տալիս, որ տարիներ շարունակ Մերձավոր Արևելքում ուռճացվել է քրդական գործոնը, և դրան զուգահեռ վտանգավորության աստիճանի ուժեղացվել են տեղական իսլամիստ ծայրահեղական խմբավորումները: Արտաքին միջամտությամբ Բաղդադի կենտրոնական իշխանությունների թուլացման հետևանքով Իսլամական հեղափոխությունից հետո առաջին անգամ Թեհրանը և Վաշինգտոնն ստիպված համատեղելու են իրենց ջանքերը` հակազդելու արդեն անկառավարելի դարձած ահաբեկիչներին: Ավելի ցայտուն է դառնում, որ Սպիտակ տանն սկսում են գերադասել չափավոր շիա իսլամականությունը ծայրահեղական սուննիականությունից:

…Այսօր մեր ժողովուրդի կյանքին մեջ հայոց լեզուն վիրավոր է… Աստված իմ, քանի՜ սխալներ կը վխտան անոնց մեջ, ի՜նչ հարվածներ կը տրվին Ս. Մեսրոպի հոգիին… Այսօրվան աշխարհին մեջ, ուր ես հաճախ պտտեցա, տեսա որ շատ բաներու մեջ հայը կը զարգանա։ Տնտեսության մեջ, գիտության մեջ, արվեստի մեջ։ Այո՛։ Նահանջողը մեր հայոց լեզուն է, հայ մշակույթն է։ Նահանջողը հայոց արժեքներու իմացումն է մեր նոր սերունդին մոտ։

Հունիսի 28-ին մեկնարկեց Հայաստանում կազակական շարժման հիմնադրման 15-ամյակին նվիրված միջոցառումների ծրագիրը: Տոնակատարություններն սկսվեցին Երևանի Քանաքեռ համայնքում տեղադրված 19-րդ դարի սկզբին ռուս-թուրքական և ռուս-պարսկական պատերազմների ժամանակ հայկական հողում հերոսի մահով ընկած ռուս կազակների հիշատակը հավերժացնող հուշահամալիրի մոտ: Նույն օրը Առնո Բաբաջանյանի անվան համերգային դահլիճում կայացավ հանդիսավոր նիստ, որին մասնակցեցին Ռուսաստանի, Ուկրաինայի, Բելառուսի, Վրաստանի, Բուլղարիայի կազակական կազմակերպությունների ներկայացուցիչները:

Հունիսի 16-ից 20-ը մեր 10 հոգանոց պատվիրակությունը՝ ՀՀ ՊՆ կադրերի և ռազմական կրթության վարչության պետ Մհեր Շիրինյանի եւ ԶՈՒ ԳՇ կադրերի վարչության պետ, գնդապետ Արթուր Անդրեասյանի գլխավորությամբ Գերմանիայի Դաշնային Հանրապետությունում մասնակցեց «Ժողովրդավարությունը զինված ուժերում» թեմայով սեմինարին: Պատվիրակության անդամները ծանոթացան ԳԴՀ ԶՈՒ կառավարման նոր փիլիսոփայությանը, օրենսդրությանը եւ զինվորականների իրավունքներին, համալրման սկզբունքներին:

Ավստրալիայի Հայոց ցեղասպանության հարյուրամյակի հանձնախումբը տողերիս հեղինակին հրավիրել էր ելույթ ունենալու Սիդնեյի և Մելբուռնի ոգեկոչման միջոցառումներում և պաշտոնական ճառով հանդես գալու Նոր Հարավային Ուելսի խորհրդարանում ապրիլի 24-ի շաբաթվա ընթացքում: Ապրիլի 27-ին Ավստրալիայի թուրքական շահերի պաշտպանության միությունը երեք էջանոց նամակ հղեց խորհրդարանի բոլոր անդամներին՝ կոչ անելով բոյկոտել իմ ելույթը: Իմ ելույթի նախօրեին խորհրդարանի անդամներից մեկը նամակի պատճենը փոխանցեց Ավստրալիայի Հայ դատի հանձնախմբին: Հմտորեն շարադրված նամակը, ամենայն հավանականությամբ, գրված Թուրքիայի դեսպանատան արհեստավարժ լոբբիստների ձեռքով, մի քանի սխալ պնդումներ և զրպարտիչ մեղադրանքներ էր պարունակում:

ՀԱՊԿ Հավաքական ուժերի օպերատիվ տեղակայման ծրագիրն արժանացել է ՀԱՊԿ անդամ-պետությունների պաշտպանության նախարարների հավանությանը: Փաստաթուղթն ստորագրվել է ռազմական համագործակցությունն ամրապնդելուն ուղղված լրացուցիչ միջոցների ընդունման շրջանակներում՝ հաշվի առնելով հավաքական պատասխանատվության գոտու արևելյան և արևմտյան սահմաններում հաստատված իրավիճակը: