Հավանաբար ձեզնից շատերը ականատես եղած կլինեն, թե ինչպես, ասենք, անճաշակ ու չտես հարևանը փորձում է նմանակել իր «դրկիցին»` կապկելով նրան ամեն ինչում. գնում է նույն մակնիշի ավտոմեքենա, բնակարանը նորոգում է նույն ոճով, կրում է նույն բրենդների հագուստները` վերածվելով դիմացինի աչքում ծաղրի առարկայի:
Նմանատիպ մի իրավիճակում է հայտնվել այսօր մեր արևելյան հարևան Ադրբեջանը, որը փորձում է իր բոլոր գործողություններով նմանակել հայերին:

Հյուսիսատլանտյան դաշինքն այս ամսվա վերջին կփակի Իրաքում հատուկ ծառայությունների աշխատակիցների պատրաստման՝ արդեն ութ տարի գործող կենտրոնը, կհեռանան նաև Դաշինքի անդամ 13 պետությունների շուրջ 130 մասնագետներ, քանի որ Իրաքի իշխանությունների հետ համաձայնություն ձեռք չբերվեց երկրից օտարերկրյա զորքերի դուրս բերումից հետո մնացող զինծառայողների իրավական կարգավիճակի և Իրաքում գործող օրենքներով քրեական հետապնդման չենթարկելու վերաբերյալ:

Ամանում Սիրիայի դիվանագիտական ներկայացուցչության տարածք է ներխուժել առնվազն տասը մարդ, նրանք ծեծի են ենթարկել իրենց պատահած բոլոր անձանց: Տուժել է վեց մարդ, որոնցից երկուսը` դիվանագետներ, մյուսները` դեսպանատան աշխատակիցներ:
Հարձակվողներից մեկն անմիջապես ձերբակալվել է, իսկ առժամանակ անց ոստիկանությունը հայտարարել է ևս ութ կասկածյալի ձերբակալության մասին:

«Թալիբան» շարժման ներկայացուցիչն ու թալիբների դաշտային հրամանատարներից մեկն անձամբ են զանգահարել «Associated Press» գործակալություն և հերքել Իսլամաբադի հետ վարվող բանակցությունների մասին մեկ այլ դաշտային հրամանատարի հայտնած տեղեկությունները, թե, իբր, Բաջուր նահանգում խաղաղության հաստատման վերաբերյալ ընթացող բանակցությունները կարող են օրինակ հանդիսանալ Սվաթ, Մոհմանդ, Օրաքզայ նահանգների ու Հարավային Վազրիստանի համար:

Պաշտոնական Փհենյանը Հարավային Կորեային զգուշացրել է այն «անկանխատեսելի հետևանքների մասին», որոնք կհետևեն սահմանի վիճելի հատվածում Սեուլի կողմից լուսավոր շղթաներով տոնածառի տեղադրմանը` վերջինս որակելով որպես «հոգեբանական պատերազմի վարման թշվառ միջոց»:

Իսրայելի պաշտպանության նախարարի տեղակալ և թիկունքի պաշտպանության պատասխանատու Մաթան Վալնիայուն հայտարարել է, որ թեև Գազայի հատվածում իրավիճակի սրման հերթական փուլն ավարտվել է, սակայն ինքը համոզված է, որ մոտ առաջիկայում այնտեղ կսկսվի հերթական բախումն Իսրայելի ու արաբ գրոհայինների հետ է և համոզմունք է հայտնել նաեւ, որ Թել Ավիվը պետք է պատրաստ լինի դիմակայելու իրադարձությունների զարգացման ցանկացած ընթացքի:

Իրանական հեղափոխության պահապանների կորպուսի հրամանատարի տեղակալ, գեներալ Հոսեյնի Սալամին հայտարարել է, որ Իրանի դեմ իրականացվել է «թշնամական քայլ, որին կտրվի անհամեմատ խիստ պատասխան», սակայն չի հստակեցրել, թե հատկապես ինչ է պատրաստվում անել Թեհրանը: Նա նաև հայտարարել է, որ ամերիկյան անօդաչու թռչող սարքը Իրանի ռազմավարն է և Թեհրանը մանրամասն ուսումնասիրելու է նրա հատկապես դիտարկման, կապի և ռադարային համակարգերը: