ՌԴ պաշտպանության նախարարությանն առընթեր հասարակական խորհրդի անդամ Իգոր Կորոտչենկոն հայտարարել է, որ նոր մարտական կանոնադրությունների մշակումը պայմանավորված է առանձին զորամասերին ու ստորաբաժանումներին գործողությունների առավել ինքնուրույնություն շնորհելու անհրաժեշտությամբ, ինչը թելադրված է ժամանակակից պատերազմների վարման բնույթի ու եղանակների փոփոխությամբ և մարտական ավիացիայի ու խոցման բարձր ճշգրտության միջոցների լայն կիրառմամբ:

ՌԴ պաշտպանության նախարարությունը հայտարարել է, որ Դրագունովի դիպուկահար հրացանը ոչ միայն չի հանվում ՌԴ զինված ուժերի սպառազինությունից, այլև շարունակելու է մնալ ոչ միայն նոր ստեղծվելիք դիպուկահարների ստորաբաժանումների, այլև մյուս զորատեսակների սպառազինության կարևոր բաղկացուցիչներից մեկը:
Պաշտպանության նախարարությունը սահմանափակվելու է միայն արտասահմանյան արտադրության որոշ դիպուկահար հրացանների ձեռքբերմամբ:

Թուրք ինժեներները ինքնուրույն մշակել են F-16 կործանիչների համար նախատեսված բարեկամական և թշնամական նշանակետերի ճանաչման նոր համակարգ:
Այս դասի ինքնաթիռները համալրվում են ամերիկյան «յուրային-օտար» ստանդարտ համակարգերով, որոնք նմանատիպ իսրայելական ինքնաթիռները համարում են բարեկամական և թույլ չեն տալիս կրակ բացել դրանց վրա: Սեփական սարքավորումների տեղադրումը թուրքերին թույլ կտա անհրաժեշտության դեպքում F-16-ները օգտագործել Իսրայելի ինքնաթիռների դեմ պայքարելու համար:

Միանշանակ է, որ մարտական ուսուցման, ամենօրյա գործունեության, պահակային, ներքին ծառայությունների ընթացքում անհրաժեշտ է խստորեն պահպանել որոշակի կանոններ` զինվորական ծառայության անվտանգությունը առավել բարձր դարձնելու նպատակով: Այս կամ այն իրավիճակում զինծառայողների վարքագիծը բնորոշում են անվտանգության պահանջները եւ կարգավորվում են մի շարք հիմնական նորմատիվ-իրավական փաստաթղթերով, նոր ստացված («օպերատիվ») հրամաններով, վերադաս հրամանատարության դիրեկտիվներով, ինչպես նաեւ կայազորի պետի եւ զորամասի հրամանատարի պահանջներով:

Նիժնի Տագիլում բացված սպառազինությունների ցուցահանդեսում բանակի գեներալ Նիկոլայ Մակարովը լրագրողներին հայտնել է, որ տանկն ունի բազմաթիվ թերություններ, լրամշակման կարիք, և պնդել, որ բավական լավ է մշակված միայն մարտական մեքենայի աշտարակը:
Իսկ տանկի մշակողների հավաստամբ, Т-90С-ը տեսադաշտի ու կրակի վարման ասպարեզներում չի զիջում իր ամերիկյան ու գերմանական մրցակիցներին, զրահով պաշտպանվածության առումով գերազանցում է նրանց և շահեկանորեն առանձնանում է մինչև 5 կմ շրջագծում թիրախները խոցող կառավարվող հրթիռային համալիրների կիրառման ասպարեզում:

ՌԴ զինված ուժերի գլխավոր շտաբի պետ, բանակի գեներալ Նիկոլայ Մակարովը հայտնել է, որ յուրաքանչյուր բրիգադում կստեղծվեն պայմանագրային ծառայության դիպուկահարներով համալրված հատուկ նշանակության ստորաբաժանումներ (ամենայն հավանականությամբ` դասակներ), որոնք զինված կլինեն արևմտյան արտադրության ժամանակակից դիպուկահար հրացաններով:

2014թ. ռուսական բանակը կսկսի համալրվել չորրորդ սերնդի տանկերով, նորագույն տանկերի մասնաբաժինը զորքերում մինչև 2020թ. կկազմի 70 տոկոս: Այդ մասին հայտնել է ՌԴ պաշտպանության նախարարության ցամաքային զորքերի ծառայության գծով ներկայացուցիչ փոխգնդապետ Սերգեյ Վլասովը:
Նա նշել է, որ ներկայումս ՌԴ ցամաքային զորքերը համալրված են Т-72, Т-80,Т-90 տանկերով և դրանց մոդիֆիկացիաներով: