C-400 «Տրիումֆ» զենիթահրթիռային համակարգը նախատեսված է խափանումներ ստեղծող ինքնաթիռներ, ռադիոտեղորոշիչ հայտնաբերման եւ կառավարման ինքնաթիռներ, հետախույզ ինքնաթիռներ, ռազմավարական եւ մարտավարական ավիացիայի ինքնաթիռներ, մարտավարական, օպերատիվ-մարտավարական բալիստիկ հրթիռներ, միջին հեռահարության բալիստիկ հրթիռներ, հիպերձայնային նպատակակետեր եւ օդային հարձակման այլ ժամանակակից ու հեռանկարային միջոցներ խոցելու համար:

«Միացյալ գործիքաշինարարական ընկերությունը» (ОПК, ընդգրկված է «Ռոստեխ» պետձեռնարկությունում) ավարտել է տարբեր նպատակների համար նախատեսված ռոբոտների խմբավորումների ավտոմատացված կառավարման համակարգի փորձարկումը և այն հանձնել պատվիրատուին: Այս մասին հայտնել է ընկերության գլխավոր տնօրենի տեղակալ Սերգեյ Սկոկովը:
««Ունիկում» ծրագրային համալիրը մեքենաները օժտում է մտավոր կարողություններով՝ հնարավորություն տալով նրանց առանց մարդկային միջամտության լուծելու մարտական և առօրեական խնդիրներ անհատապես կամ խմբավորման կազմում: Սա Ռուսաստանում նման առաջին համակարգն է, որն հաջողությամբ անցել է փորձարկումն ու ճանաչվել պիտանի, ընդունվել պետպատվիրատուի կողմից»,- ասել է Սկոկովը:

Ռուսաստանը Բելառուսին կփոխանցի 32 միավոր БТР-82А զրահափոխադրիչ: Այս մասին հայտնում է «ՏԱՍՍ» լրատվական գործակալության՝ ռազմաարդյունաբերական համալիրի աղբյուրը:
Համապատասխան համաձայնագիրն ստորագրվել է Russia Arms Expo-2015 ցուցահանդեսի ժամանակ, որը կայացել է սեպտեմբերին Նիժնի Տագիլում:
Բելառուսական զինված ուժերում հաստատել են գործարքի մասին լուրը՝ առանց ճշգրտելու պայմանագրի ծավալը:

Ռուսաստանի ռազմաարդյունաբերության հանձնաժողովի ներկայացուցիչ Օլեգ Բոչկարուը ԱԿ-12 ինքնաձիգը ներկայացնելիս նշել էր, որ այն պահպանել է դասական կառուցվածքը` ենթարկվելով մի շարք կառուցվածքային մշակումների: Ընդհանուր առմամբ, ավտոմատ կրակի ժամանակ այն ունի ավելի մեծ խտություն ու քիչ հետհրում: ԱԿ-12-ի համար կօգտագործվի Պիկատինիի ձողիկ, որը հնարավորություն կտա ուժեղացնելու ստանդարտ ինքնաձիգի հնարավորությունները, օրինակ` նշանոցներ ավելացնելով:

«Օսա»-ն ավտոմատացված հրթիռազենիթային համալիր է, որը նախատեսված է մոտոհրաձգային կամ տանկային դիվիզիայի ուժերն ու միջոցները ինքնաթիռների, ուղղաթիռների, թևավոր հրթիռների և օդային հարձակման այլ միջոցների հարվածներից պաշտպանվելու համար, որոնք գործում են շատ փոքր, փոքր և միջին բարձրությունների վրա:
«Օսա» ՀԶՀ-ի մշակումը սկսվել է 1960թ.: Սպառազինության է ընդունվել 1971թ. հոկտեմբերի 4-ին: 1975-ից թողարկվել է «Օսա-AK» անվանումով, իսկ 1980-ից՝ «Օսա-AKM»: 1989-ից դադարեցվել է «Օսա-AKM» ՀԶՀ-ի սերիական արտադրությունը:

Ռուսաստանն անցկացնում է Շ-71 նոր հիպերձայնային թռչող սարքի փորձարկումները, որոնք կարող են միջուկային մարտալիցքեր կրել: Ըստ Janes Information Group բրիտանական ռազմավերլուծական կենտրոնի վերլուծության, այս սարքն իբր հրթիռային ծրագրի հետ առնչվող «4202» ռուսական գաղտնի նախագծի մաս է հանդիսանում, ինչը Ռուսաստանին հնարավորություն կտա խոցելու նպատակակետը միայն մեկ հրթիռով:

«Գլոբալ ֆայրփոուվեր» (Global Firepower) կայքը ներկայացրել է աշխարհի երկրների բանակների նոր վարկանիշային ցուցակը: Ցուցակը կազմող պատասխանատուները նշել են, որ ցուցակ կազմելիս ուշադրություն չեն դարձրել միջուկային զենքի առկայության, քաղաքական գործոնների վրա, ինչպես նաեւ հաշվի չի առնվել դեպի ծով ելք չունեցող երկրների նավատորմի առկայությունը: Հաշվի են առնվել շուրջ 50 գործոններ, այդ թվում նաեւ տնտեսականն ու աշխարհագրականը, օգտագործվել են ինչպես պաշտոնական տարբեր վիճակագրություններ եւ ոչ պաշտոնական հրապարակումներ, այնպես էլ՝ միջազգային մի շարք կառույցների զեկույցներ: