Ռազմական
Օրեր առաջ ԼՂՀ հյուսիսարեւելյան ուղղությամբ տեղակայված զորամասերից մեկի ուղղությամբ հակառակորդի ներթափանցման դիվերսիոն գործողության հետեւանքով հրազենային վիրավորում է ստացել տվյալ զորամասում իր հոգեւոր ծառայությունն իրականացնող Հովհաննես սարկավագ Գալստյանը եւ վարորդը՝ շարքային զինծառայող Արթուր Բալայանը:
«Միություն-2015. Հաղթանակի ժառանգներ-Հայաստան» միջազգային երիտասարդական ռազմամարզական կրթական մրցույթ-հավաքի շուրջ հինգ հարյուր մասնակիցների համար օգոստոսի 17-ը տոնական էր՝ ազդարարվեց հավաքի մեկնարկը: Միջազգային երիտասարդական ռազմամարզական կրթական մրցույթ-հավաքը իրականացվում է ՀՀ պաշտպանության նախարարության հովանու ներքո` ռուսական «Доблесть отечества» հայրենիքի պաշտպանների աջակցման հասարակական շարժման և «Русь» ռազմական բազկամարտի ֆեդերացիայի աջակցությամբ:
«Ծաղկաձորում ընթացող «Միություն-2015. Հաղթանակի ժառանգներ» միջազգային երիտասարդական հայրենասիրական հավաքի շրջանակներում մասնակից երկրների դրոշների բարձրացման պաշտոնական արարողությունից հետո մեկնարկեցին առաջին միջոցառումները:
2014թ. հոկտեմբերին Հայաստանում հաստոցաշինական գործարանի հենքի վրա բացվեց հայ-լեհական համատեղ ռազմաարդյունաբերական ձեռնարկությունը՝ «Լյուբավա-Արմենիան»: Ձեռնարկությունն աստիճանաբար ավելացրեց իր արտադրական հզորությունները՝ փորձելով մտնել միջազգային շուկա: Վերջերս «Լյուբավա-Արմենիայի» արտադրանքը ներկայացվել է նաև Ղազախստանում անցկացվող ռազմական միջազգային ցուցահանդեսին և արժանացել բարձր գնահատականի:
Օգոստոսի 17-ին պաշտոնապես կմեկնարկի «Միություն 2015-Հաղթանակի ժառանգորդներ» ռազմամարզական և կադետական վարժարանների միջազգային երիտասարդական կրթական հավաքը: Միջոցառումն իրականացվում է ՀՀ պաշտպանության նախարարության հովանու ներքո՝ ռուսական «Доблесть отечества» հայրենիքի պաշտպանների աջակցման հասարակական շարժման և «Русь» ռազմական բազկամարտի ֆեդերացիայի աջակցությամբ: 15-օրյա միջոցառմանը կմասնակցեն շուրջ 500 պատանիներ նախկին ԽՍՀՄ 11 երկրներից՝ Հայաստանից, Բելառուսից, Էստոնիայից, Լատվիայից, Ղազախստանից, Ղրղըզստանից, Մոլդովայից, Մոլդովայի Մերձդնեստրյան Հանրապետությունից, Ռուսաստանից, Վրաստանից, Տաջիկստանից, Ուկրաինայից: Հայաստանը հավաքին կներկայացնի Մոնթե Մելքոնյանի անվան ռազմամարզական վարժարանը:
«Пост» տերմինի հայերեն համարժեքը ՊԱՀԱԿԱԿԵՏՆ է: Պահակակետը ժամապահի պահպանությանը և պաշտպանությանը հանձնված օբյեկտ է, որևէ տեղամաս, մարտական տեխնիկայի և ռազմական այլ արժեքների պահպանության տարածք: Պահակակետը լինում է ներքին և արտաքին: Ներքին պահակակետերը սարքավորվում են որևէ շինության ներսում, մեծ մասամբ զորամասերի շտաբներում` մարտական դրոշի, ինչպես նաև հատուկ (գաղտնի) սենյակների պահպանության համար:
Հավաքական անվտանգության պայմանագրի կազմակերպության անդամ պետությունների համակազմերի ուժերի և միջոցների, ղեկավարման մարմինների համատեղ օպերատիվ և մարտական պատրաստության միջոցառումների 2015թ. պլանի և դրա իրականացման առաջին շտաբային բանակցությունների արձանագրության համաձայն՝ ընթացիկ տարում ՀՀ տարածքում անցկացվելիք ՀԱՊԿ-ի հավաքական խաղաղապահ ուժերի «Անքակտելի եղբայրություն-2015» զորավարժության նախապատրաստման և անցկացման երկրորդ շտաբային բանակցություններին հունիսի 8-ից 11-ը կմասնակցեն ՀԱՊԿ-ի քարտուղարության, միացյալ շտաբի և անդամ պետությունների համապատասխան նախարարությունների ներկայացուցիչները:
