ԱՄՆ ՌՕՈՒ-ը ուսումնասիրում են 4-րդ և 5-րդ սերնդի կործանիչների միջև տեղեկատվության փոխանակման թվային համակարգի ստեղծման հնարավորությունը: Նպատակը տարբեր սերունդների կործանիչների միջև մարտավարական և օպերատիվ իրավիճակի մասին տեղեկություններ փոխանակելն է:

Կալիֆոռնիայի Սանտա Բարբարա քաղաքի համալսարանի հետազոտողներն առաջարկել են աստերոիդներ ոչնչացնելու «DE-STAR» նոր համակարգ, որը հիմնված է ալեհավաքների փուլային ցանցի նմանությամբ ստեղծված լազերային ցանցի վրա: Համակարգն իր էներգիան ստանալու է Արևից:
Գիտնականները պնդում են, որ նման համակարգը կարելի է գործածել նաև տիեզերական սարքերին արագացում հաղորդելու համար, ինչը հնարավոր կդարձնի միջաստղային ճանապարհորդությունները:

Ամերիկյան «AUVSI» կազմակերպությունը, որն ուսումնասիրում է անօդաչու թռչող սարքերի (ԱԹՍ) շուկան և կանխատեսումներ անում առաջիկա տասնամյակի համար, հանգել է պարադոքսային եզրակացության. ԱԹՍ-ների գլխավոր սպառողներն են լինելու ֆերմերային տնտեսությունները: Առաջին ծիծեռնակ կարելի է համարել ԱՄՆ-ի Այդահո նահանգից մի ֆերմերի, որը 2009թ. իր ձեռքով հավաքել է ԱԹՍ և կազմել իր հողատարածքի ու հարակից շրջանների հողի քարտեզը: Փորձագետները համարում են, որ ԱՄՆ-ը հետևելու է Ճապոնիայի օրինակին, որտեղ արդեն այսօր ԱԹՍ-ների միջոցով օդից թունաքիմիկատային մշակման է ենթարկվում բրնձի դաշտերի 30%-ը:

Ողնաշարի վնասվածքները կարող են կյանքի համար վտանգավոր լինել, այդ իսկ պատճառով շատ կարևոր է համապատասխան օգնություն ցուցաբերելը։ Հաճախ վնասվածքի ճիշտ ախտորոշումը հնարավոր է միայն ռենտգեն հետազոտությունից հետո։ Եվ քանի որ չեք կարող անմիջապես գնահատել վնասվածքի ծանրությունը, միշտ պետք է ենթադրել, որ գործ ունեք լուրջ վնասվածքի հետ։

Ռուսաստանի Անվտանգության դաշնային ծառայությունը և ռազմական հետախուզությունը (գլխավոր հետախուզական վարչությունը) ծրագրում են ծառայողական շներին փոխարինել մարտական մկներով: Այս մասին «Известия» թերթին հաղորդել է ՌԴ ԶՈՒ գլխավոր շտաբի աղբյուրը:

Թուրքական թերթերը գրում են, որ Իսրայելը «Մավի Մարմարա» նավի միջադեպից հետո (2010թ. մայիսի 30-ի լույս 31-ի գիշերը իսրայելցի զինվորականները սպանեցին և վիրավորեցին նավի թուրք ուղևորներին) առաջին անգամ որոշել է Թուրքիային մատակարարել սպառազինության արդիական համակարգեր: Խոսքն էլեկտրոնային համակարգերի մասին է, որոնք պետք է ինտեգրվեն Թուրքիայի` ԱՄՆ-ից գնած օդային հետախուզության և զգուշացման ինքնաթիռներին (AWACS):

Մինչև 2030թ. ռուսական բանակի զարգացման ուղղություններն օրերս ներկայացրել է ՌԴ ԳՇ պետ, գեներալ-գնդապետ Վալերի Գերասիմովը: Նրա խոսքով, 2014թ. կսկսվի նոր սերնդի ուսումնական կենտրոնների ստեղծումը ցամաքային և օդադեսանտային զորքերի համար, որտեղ զինծառայողներին նախապատրաստելու են «ցանկացած հակամարտության՝ ցանկացած տարածաշրջանում»: