ՌԴ ցամաքային զորքերի գլխավոր հրամանատար, գեներալ-գնդապետ Վլադիմիր Չիրկինը լրագրողներին հայտնել է, որ Տաջիկստանի իշխանություններն ընդունելի են համարել 2014 թվականից հետո երկրում ևս 49 տարի ժամկետով ռուսաստանյան 201-րդ ռազմաբազայի տեղակայման պայմանների մասին Մոսկվայի առաջարկած տարբերակը, իսկ իշխանությունները հայտարարել են, որ ամեն կերպ կաջակցեն ռազմակայանի վերաբերյալ միջգերատեսչական համաձայնագրի կնքմանը:
Չիրկինը հստակեցրել է, որ 201-րդ ռազմաբազան Տaջիկստանի տարածքում է գտնվելո անհատույց:

Վերջին հարյուրամյակում մեր մոլորակի մարդիկ սկսել են քնել քիչ, վատ ու անհանգիստ։ 100 տարվա մեջ գիշերվա ընթացքում քնի ընդհանուր ժամանակը նվազել է միջինում 20%-ով։ Այդ պատճառով երկրագնդի յուրաքանչյուր երկրորդ բնակչի քնի խանգարման ախտանիշներ են նկատվում, իսկ 13%-ի համար այդ խանգարումները կրում են քրոնիկական բնույթ։

ՌԴ ցամաքային զորքերի գլխավոր հրամանատար, գեներալ-գնդապետ Վլադիմիր Չիրկինը հայտնել է, որ 2013 թվականի պետական պաշտպանական պատվերի մեջ կընդգրկվի նաև Արկտիկայի պայմանների համար նախատեսված նոր քարշակի ստեղծման ծրագիրը, որը մուտք կգործի առաջիկայում ստեղծվելիք ռուսաստանյան արկտիկական բրիգադների սպառազինություն:

«World Public Opinion» անկախ սոցիոլոգիական կազմակերպության՝ երեկ հրապարակած զեկույցի համաձայն, ԱՄՆ քաղաքացիների գերակշիռ մասը, անկախ քաղաքական հայացքներից, կողմ է երկրի ռազմական ծախսերի կրճատմանը: Կողմ է արտահայտվել նաև հարցվածներից Դեմոկրատական կուսակցության համակիրների 80 և Հանրապետական կուսակցության համակիրների 74 տոկոսը: Առաջինների կարծիքով, ԱՄՆ ռազմական բյուջեն անհրաժեշտ է կրճատել նվազագույնը 22, իսկ Հանրապետական կուսակցությանը համակրողների կարծիքով՝ 15 տոկոսով:

Երեկ ՌԴ պաշտպանության նախարարությունը հայտարարել է գարնանային զորակոչն ամբողջությամբ կատարելու մասին: Նորակոչիկներն այժմ զբաղված են համազորային պատրաստության պարապմունքներով:
Ապրիլի 1-ից հուլիսի 15-ը տևած գարնանային զորակոչի ընթացքում բանակը համալրվել է 155.000 նորակոչիկով, ինչը 20.000-ով գերազանցում է 2011 թվականի աշնանային զորակոչի ցուցանիշը:

Կիրակի ավարտված բիրտանական միջազգային ավիատիեզերական ցուցահանդեսում կնքվել է 72 միլիարդ ԱՄՆ դոլարի գործարք: 578 ինքնաթիռների և ուղղաթիռների պատվերները 53 տոկոսով գերազանցել են նախորդ ցուցահանդեսի ցուցանիշը, սակայն չեն կարողացել հաղթահարել 2008 թվականի ավիասալոնի ռեկորդը, երբ կնքված գործարքների ընդհանուր արժեքը կազմեց 88 միլիարդ ԱՄՆ դոլար:

Թել-Ավիվը մտադիր է Եգիպտոսի սահմանին` Էյլաթ քաղաքի մերձակայքում տեղակայել հակահրթիռային պաշտպանության «Երկաթե գմբեթ» համակարգը, որը նախկինում օգտագործվում էր միայն Պաղեստինի տարածքից արձակվող ինքնաշեն «Կասսամ» հրթիռների ոչնչացման համար: