Ռուսաստան-Ուկրաինա օդադեսանտային և աերոմոբիլային զորքերի կազմով առաջին համատեղ զորախաղերը տեղի կունենան այս տարվա սեպտեմբերին՝ Լվովում: Նույն ամսին բելառուսական կողմի հետ համանման զորավարժություններ կանցկացվեն Տուլայում տեղակայված 106-րդ գվարդիական օդադեսանտային դիվիզիայում:

Ղրղզստանի նախագահի աշխատակազմի տարածած հայտարարության մեջ հստակ նշվում է, որ 201-րդ ռազմաբազայի համար վարձավճարի չափի բարձրացումն ամենևին էլ առաջնահերթ հարց չէ Բիշքեկի համար, և այժմ քննարկվում է տեղակայման տարբեր վայրերի փոխարեն մեկ վայրում կենտրոնացված ռազմաբազա ունենալու հնարավորությունը:

ՌԴ արևելյան զինվորական օկրուգի Մերձամուրյան երկրամասում տեղակայված զորամասերում 1.600 նորակոչիկ հաջողությամբ ավարտել է երիտասարդ մարտիկի դասընթացը, որը կազմակերպվել էր նոր` փորձնական եղանակով՝ նպատակ ունենալով բացառելու անձնակազմի շրջանում ոչ կանոնադրային հարաբերությունները:

«Ֆարնբորո-2012» միջազգային ավիասալոնում երեկ նման պայմանագիր են ստորագրել «Рособоронэкспорт»-ը և իտալական մեքենաշինական «Finmeccanica» հոլդինգին պատկանող «Selex», «Galileo», «Selex Elsag» ընկերությունները: Այն կմշակվի ռուսաստանյան արտադրության ինքնաթիռների հիմքի վրա և կսարքավորվի իտալական արտադրության կապի, ուղղորդման ու ճանաչման իտալական համակարգերով ու «Finmeccanica»-ի կազմում գտնվող «WASS» ընկերության արտադրած թեթև տորպեդներով:

Ըստ «Ֆարնբորո-2012» միջազգային ավիասալոնում ռուսական պատվիրակության մի բարձրաստիճան ներկայացուցչի, ՌԴ պաշտպանության նախարարությունում քննարկվում է արտասահմանյան արտադրության անօդաչու թռչող սարքերի լրացուցիչ խմբաքանակի գնման հարցը, որի շուրջ խորհրդակցություններ են ընթանում իսրայելական ֆիրմաների հետ:
Ժամանակին Ռուսաստանը «Israel Aerospace Industries» ընկերությունից գնել էր երկուական «Bird Eye-400», «Searcher Mk.2», ինչպես նաև «I-View Mk150» ութ անօդաչու թռչող սարք՝ այս ամենի համար վճարելով շուրջ 53 միլիոն ԱՄՆ դոլար:

17-տարյա ընդմիջումից հետո Թուրքմենստանը առաջին անգամ դիտորդի կարգավիճակով մասնակցել է Ղազախստանի Չոլպոն-Աթա քաղաքում կայացած ԱՊՀ հակաօդային պաշտպանության համակարգող կոմիտեի նիստին:
Երկրի հակաօդային պաշտպանության և ռազմաօդային ուժերի հրամանատարի տեղակալ Բաշիմ Իշանկուլիևը հայտնել է, որ իր երկիրը շահագրգռված է մասնակցելու նման հանդիպումներին ու փաստաթղթերի մշակման աշխատանքներին, սակայն առաջիկայում մտադիր չէ հակաօդային պաշտպանության ասպարեզում ընդլայնել համագործակցությունն ԱՊՀ ՀՕՊ համակարգող կոմիտեի հետ:

Ղազախստանի Չոլպոն-Աթա քաղաքում ԱՊՀ հակաօդային պաշտպանության համակարգող կոմիտեի նիստի ավարտին այս մասին հայտարարել է երկրի հակաօդային պաշտպանության զորքերի հրամանատար Նուրիժան Մուկանովը:
Նա նաև հայտնել է, որ մինչև տարեվերջ Ռուսաստանի հետ կստորագրվի հակաօդային պաշտպանության միասնական համակարգի ստեղծման մասին պայմանագիրը, որի բոլոր փաստաթղթերն այժմ համաձայնեցման փուլում են: