Համաձայն ՌԴ պաշտպանական արդյունաբերության համալիրի` անունը հրապարակել չցանկացած աղբյուրի, գործարքի արժեքը կկազմի շուրջ 53 միլիոն ԱՄՆ դոլար: Նման մեծ գումարով նախատեսվում է «Aeronautics Defense Systems» ընկերությունից ձեռք բերել «Orbiter 2», «Aerostar» և «Skystar» տիպի ութական ղեկավարման համակարգ: Գնվող անօդաչու թռչող սարքերի թիվը դեռ 48-ից կարող է աճել մինչև 72:

Թվում է, թե Շուշիի ազատագրման մասին ամեն ինչ ասված է՝ հաղթեցինք, որովհետև հավատում էինք, հաղթեցինք, որովհետև միասնական էինք, հաղթեցինք, որովհետև չէինք կարող պարտվել: Թվում է, թե Շուշիի ռազմագործողության մասին ամեն ինչ ասված է՝ դա հայոց ռազմական տաղանդի դրսևորում էր, դա ոգու առավելությունն էր քանակի նկատմամբ, դա Աստծո միջամտությունն էր մեր գործերին, դա հրաշք էր: Թվում է, թե Շուշիի ազատագրման պատմական նշանակության մասին ամեն ինչ ասված է՝ վերջնականապես հաստատեց հավատը, որ կարող ենք մեր ուժերով հաղթել թշնամուն, բեկում մտցրեց պատերազմի ընթացքի մեջ, կոտրեց թշնամու ինքնավստահությունը, հիմք դարձավ ԼՂՀ պաշտպանության բանակի ստեղծման համար, Լաչինի միջանցքի ազատագրման նախադրյալ դարձավ, միջազգային հանրության աչքերը բացեց և ի ցույց դրեց ԼՂ հիմնախնդիրն իր ամբողջ սրությամբ ու դրամատիզմով, վերջապես, փոխեց հայի հոգեբանությունն ու նրան վերադարձրեց հաղթողի կեցվածքը:

Մերձմոսկվայում երեկ սկսված ՌԴ ցամաքային զորքերի հրամանատարական հավաքի ժամանակ, որը ղեկավարում է զորատեսակի նոր գլխավոր հրամանատար, գեներալ-գնդապետ Վլադիմիր Չիրկինը, ի թիվս այլ հարցերի կքննարկվեն նաև ցամաքային զորքերում ֆիզիկական նոր սկզբունքներով գործող զինատեսակների, ինչպես նաև ռոբոտների կիրարկման հնարավորությունները: Համազորային բրիգադների, զորատեսակների ու հատուկ զորքերի միավորումների շուրջ 150 հրամանատարների մասնակցությամբ ընթացող հավաքի ընթացքում կանցկացվեն նաև «Մինչ 2030 թվականը մարտական գործողությունների վարման փոփոխությունների լույսի ներքո մարտավարական օղակի համազորային միավորումների կառուցվածքի զարգացման հեռանկարները» և «Ցամաքային զորքերի մարտական պատրաստականության զարգացումը» թեմաներով ռազմագիտական կոնֆերանսներ:

Մի քանի օր առաջ Ինդոնեզիան ստորագրվել է ռուսական արտադրության 37 հատ ՀՄՄ-3-ների ձեռք բերման մասին գործարքը, որի ընդհանուր գումարը կազմում է 114 միլիոն ԱՄՆ դոլար: Զրահատեխնիկան նախատեսված է երկրի ծովային հետևակի կորպուսի համար: Ինդոնեզական կողմը հայտնել է, որ “Рособоронэкспора-ը պարտավորվել է փոխանցել որոշ տեխնոլոգիաներ, ինչպես նաև Ինդոնեզիայի ծովային հետևակին օգնել զրահամեքենաների շահագործման հարցում:

Հակաօդային պաշտպանության սպառազինություն արտադրող ռուսաստանյան “Алмаз-Антей” կոնցեռնը ծրագրում է մինչև տարեվերջ ավարտել ցամաքային “Витязь” համալիրի հիմքի վրա ստեղծված նավային բազավորման “Полимент-Редут” զենիթահրթիռային համալիրի փոձարկումները: Երկու համակարգերում էլ օգտագործվում են նույն` 9М96 տիպի հրթիռները: Կոնցեռնի գլխավոր տնօրենը հայտարարել է, որ փորձարկումների առաջին փուլն ավարտվել է, և այժմ անհրաժեշտ է միայն ռազմանավ, որից էլ կատարվեն ծովային փորձարկումները:

ՌԴ կառավարությունը համապատասխան դաշնային ծառայություններին ու շահագրգիռ գերատեսչություններին հանձնարարել է եռամսյա ժամանակահատվածում մշակել պաշտպանական պետական պատվերի սկզբնական գնագոյացման վերաբերյալ հանձնարարականներ:
Համաձայն կառավարության որոշման, արտադրողի օգուտը չպետք է գերազանցի ծախսերի 20 և ենթակապալառուին վճարված ու համալրող մասերի ձեռք բերման համար ծախսված գումարի 1 տոկոսը: Միայն այն դեպքում, երբ մատակարարը կհիմնավորի, որ հավելյալ օգուտն ուղղվելու է արտադրության վերազինմանն ու զարգացմանը, օգուտի առավելագույն շեմը կարող է հասնել 25 տոկոսի:

Ռուսաստանյան ռազմարդյունաբերության առաջատարներից “Алмаз-Антей”-ի գլխավոր տնօրեն Վլադիսլավ Մենշչիկովը հայտնել է, որ, ի տարբերություն Միացյալ Նահանգների, Ռուսաստանը շարունակում է ինքնաթիռների վրա տեղակայվող հակաօդային ու հակահրթիռային լազերային սպառազինության մշակումը: Հայտնի է, որ ԱՄՆ-ում այս աշխատանքներն իրականացվել են շուրջ 16 տարի, և 2010 թվականի փետրվարին նման զենքի միջոցով ոչնչացվել է հեղուկ վառելիքով աշխատող բալիստիկ հրթիռ: Այնինչ, ըստ եղած տեղեկությունների, այդ աշխատանքները 2011 թվականին դադարեցվել են: