Ազգային բանակ
Վաշտի կազմով ցուցադրական զորավարժություն է անցկացվում, մասնակիցները «Պաշտպան հայրենյաց» ծրագրի շահառուներ են: Խաղարկվում է հարձակում դիրքի ուղղությամբ և դիրքի պաշտպանություն։ Միաժամանակ չափվում են հարձակվող ու պաշտպանվող կողմերի ուժերը։
Եռամսյա պատրաստության դասընթացների փուլն ամփոփել գերազանց արդյունքով։ Սա նշաձող է, որը ձգտում են հաղթահարել «Պաշտպան հայրենյաց» ծրագրի շահառուներ Ալբերտ Ղարիբյանը, Ռազմիկ Գրիգորյանը, Տիգրան Ավետիսյանն ու Գրիգոր Վարդանյանը:
-Արդեն ութ տարի կյանքս զինվորական ռիթմով է ընթանում՝ «Փոքր Մհերում» եմ սովորել, Մոնթե Մելքոնյանի անվան ռազմամարզական վարժարանում: Որոշել եմ ժամկետային ծառայությունից հետո ռազմական բարձրագույն կրթություն ստանալ, սպա դառնալ,- իր ապագա ծրագրերի մասին է պատմում շարքային Դավիթ Բոյախչյանը:
Կապիտան Մարինե Եզեկյանն ասում է՝ իրեն զինված ուժեր են բերել Հայրենիքի հանդեպ անսահման սերը և զինվորական գործով հրապուրված լինելը. «Գիտեի, որ շատ դժվար ուղի եմ բռնել, բայց եթե սիրում ես մասնագիտությունդ, շատ հեշտությամբ հաղթահարում ես բոլոր խոչընդոտները»։
Դիրքերում կյանքը մի տեսակ ուրիշ է. մարտական հերթապահություն, մշտական զգոնություն, բարձր պատրաստվածություն, ընկերական փոխհարաբերություններ, հոգատարություն և մարտական ոգի:
Զինված ուժերում քիչ չեն զինվորական գործը որպես կյանքի ուղի ընտրած գեղեցիկ սեռի ներկայացուցիչները: Նրանց կհանդիպեք թե՛ թիկունքում, թե՛ առաջնագծում… Հրետանավոր, կապավոր, մոտոհրաձիգ, հետախույզ…
Վազգեն Սարգսյանի անվան ռազմական ակադեմիայում զինծառայողները ատեստավորման շարային պատրաստության քննություններ են հանձնում։ Քննություն հանձնողների մեջ է նաև լեյտենանտ Թամարա Խաչիկյանը, որը հստակ ու անթերի կատարեց զենքով շարային վարժությունները:
