Ազգային բանակ
Օրերս Արցախի առաջնագիծ էր այցելել ՀՀ պաշտպանության նախարարի առաջին տեղակալ Արտակ Զաքարյանը: Նա ծանոթացել է ղեկավարման համակարգի, նորագույն տեխնիկական միջոցների ներդրման, ինժեներական, զսպման մեխանիզմների կատարելագործման ուղղությամբ իրականացված աշխատանքներին, շփվել դիրքապահ զինծառայողների հետ:
Նորընծա սպաների ճանապարհը դեպի զորքեր, դեպի առաջնագիծ, դեպի հերոսական արյամբ գծված Հայրենիքի սահմանը սկսվեց մեր հաղթանակի խրհրդանիշ Սարդարապատից: Ու երկնառաք ցնծության զանգերը միասնության պատգամ են ու հաղթանակի ավետիս:
Օգոստոսի 22-ից 25-ը անցկացվեցին ռազմաուսումնական հաստատությունների 2016-2017 ուսումնական տարվա շրջանավարտների ավարտական միջոցառումները:
Սպաներն իրենց հետագա ծառայության վայր մեկնելուց առաջ հնարավորություն ունեցան հանգստանալու, լիցքաթափվելու, հարազատների հետ միասին ներկա լինելու ճանաչողական, մշակութային իրադարձությունների: Մեր հասարակությունն էլ ևս մեկ անգամ համոզվեց, որ ավելի ու ավելի է արժևորվում հայ սպայի կերպարը, կարևորվում նրա դերակատարումը:
Օգոստոսի 24-ին Շուշիում կայացավ ԵԿՄ ուխտագնացության գլխավոր միջոցառումը, որին, բացի ուխտագնացներից, ներկա էին ԱՀ Նախագահ Բակո Սահակյանը, վարչապետ Արայիկ Հարությունյանը, կառավարության և ԱԺ անդամներ, շրջվարչակազմերի ղեկավարներ:
2017 ուսումնական տարվա ընթացքում նախնական զինվորական պատրաստության (ՆԶՊ) ուսուցումը արդյունավետ կազմակերպելու նպատակով օգոստոսի 24–30-ը Հանրապետության ուսումնական հաստատություններում հանրակրթական դպրոցների և միջին մասնագիտական դպրոցների ուսումնական հաստատությունների զինղեկների մասնակցությամբ անցկացվեցին եռօրյա ուսումնամեթոդական հավաքներ, որին մասնակցելու հրավերք են ունենում նաև տարածքների ուսումնական հաստատություններին կցված զորամասերի ներկայացուցիչներ և մարզպետարանների կրթության պատասխանատուներ:
Զորամասի վարժարանը իրական մարտի դաշտ էր հիշեցնում: Իսկ ամենից ուրախալին այն էր, որ ստորաբաժանումների գործողություններում պարզապես հնարավոր չէր տարբերակել փորձառուներին եւ նոր զորակոչված զինվորներին:
Հրետանային դիվիզիոնը ձորի մեջ է` պաշտպանված կտրտված կանաչ լեռներով: Ձորի երկայնքով դասավորված են ուսումնական կետերը: Ծածկի տակ կողք-կողքի մարտական մեքենաներն են: Զինվորները լվանում, մաքրում, ստուգում են սարքինությունը: Ավելի հեռվում շտաբն է: Մեծ սենյակում, գրասեղանի մոտ նստած է դիվիզիոնի շտաբի պետը՝ մայոր Վահե Շեկոյանը: Նա ինչ-որ թվեր է ճշգրտում, ուղղում, լրացնում: Թողնում է գործն ու բացատրում. հունիսի 5-9-ը լեռնահրաձգարաններից մեկում դիվիզիոնը մասնակցել է բրիգադի մարտավարական զորավարժությանը: