Turkish Aerospace Industries ընկերությունը սկսել է Թուրքիայում պատրաստված T-129B հարվածային ուղղաթիռի թռիչքային փորձարկումները:
Awgusta Westland ընկերության հետ համատեղ մշակվող ուղղաթիռի նախատիպն առաջին անգամ օդ է բարձրացել 2009թ.: 2010թ. երեք փորձանմուշներից մեկը վթարվել է և հետաձգել հետագա աշխատանքները:

ԱՄՆ բանակի հրամանատարությունն ավարտել է GCV նոր մարտական մեքենայի ստեղծման նպատակով հայտարարված մրցույթը: Հաղթող են ճանաչվել երկու ընկերություններ` BAE Systems-ը և General Dynamics-ը: Ծրագրի իրագործման համար նրանք կստանան համապատասխանաբար 450 և 440 միլիոն դոլար:
Ծրագրվում է մինչև 9 մարտիկի տեղափոխման համար նախատեսված մեքենան ստեղծել 2017թ., իսկ 2018թ. այն ամերիկյան բանակում կփոխարինի հնացած M2 Bradley և Stryker ICV մեքենաներին:

Փորձարկումների փուլում գտնվող ռուսաստանյան 5-րդ սերնդի կործանիչի փորձարկող օդաչուն МАКС-2011 ավիատիեզերական միջազգային ցուցահանդեսում կիրակի օրը` օգոստոսի 21-ին, 100 կմ/ժ արագություն զարգացնելուց հետո, աջ շարժիչի աշխատանքն ապահովող ավտոմատ համակարգերի խափանման պատճառով ստիպված է եղել արգելակիչ անկարգելի (պարաշյուտի) օգնությամբ կանգնեցնել ինքնաթիռը:
Կործանիչն ու օդաչուն չեն տուժել:

Այն կկայանա օգոստոսի վերջին: Այդ մասին հայտարարել է ՌԴ պաշտպանության նախարարության բարձրաստիճան ներկայացուցիչը և հերքել որոշ լրատվամիջոցներում շրջանառվող այն լուրերը, թե նոր սերնդի միջմայրցամաքային հրթիռի փորձարկումը հետաձգվել է ՙՅուրի Դոլգորուկի՚ սուզանավի էներգամատակարարման համակարգում ի հայտ եկած անսարքությունների պատճառով:
Նա հայտարարել է, որ նկատի առնելով ՙԲՈՒԼԱՎԱՅԻ՚ նկատմամբ մեծ հետաքրրքրությունը, ինչպես նաև Ռուսաստանի Դաշնության սահմանների պաշտպանության գործում այս հրթիռին վերապահված մեծ դերակատարությունը, թռիչքային փորձարկումների պետական հանձնաժողովը որոշել է ևս մեկ անգամ ստուգել հրթիռի բոլոր հանգույցների տեխնիկական վիճակն ու տեխնիկամարտավարական ցուցանիշների համապատասխանությունն առաջադրված պահանջներին, ինչի պատճառով էլ ՙՅուրի Դոլգորուկին՚ վերադարձել է հրթիռի արձակման` Սպիտակ ծովում գտնվող շրջանից:

ԱՄՆ բանակը հետ է կանչել և լրամշակման է ուղարկել շուրջ 5 միլիոն զրահաբաճկոն, այդ թվում Աֆղանստանում և Իրաքում զինծառայողներին արդեն տրամադրված նմուշներ:
Ստուգումների ընթացքում պարզվել է, որ բանակին մատակարարվող զրահաբաճկոնների վերևի մասի կերամիկական սալիկները ճաքճքած են և չեն կարող լիարժեք պաշտպանել զինվորին, իսկ 7 մատակարար ընկերություններ, որոնց հետ 2,5 միլիարդ դոլարի պայմանագրեր էին կնքվել, չեն ապահովել իրենց արտադրանքի հուսալիությունը:

«Ռուսաստանի ուղղաթիռներ» ընկերությունը 2012թ. ավելի քան 10 տոկոսով կավելացնի ռազմական և քաղաքացիական ուղղաթիռների արտադրությունը: Մինչև այս տարվա վերջ կարտադրվի 267 ուղղաթիռ: Այս մասին «Մաքս-2011» ավիացուցահանդեսի ժամանակ հայտարարել է հոլդինգի գլխավոր տնօրեն Դմիտրի Պետրովը:
Ավելի վաղ նա ասել էր, որ 2011թ. ՌԴ պաշտպանության նախարարությունը կստանա 450 ուղղաթիռ: Հավանաբար, խոսքը ինչպես նոր մեքենաների մատակարարման, այնպես էլ արդեն օգտագործվող տեխնիկայի արդիականացման մասին է:

«Ռոսօբորոնէքսպորտ» ընկերությունը այս տարվա առաջին կիսամյակում արտահանել է 5,9 միլիարդ դոլարի արտադրանք, ինչը 123 տոկոսով ավել է 2010թ. նույն ժամանակահատվածի ցուցանիշներից և կազմում է 2011թ. պլանային ցուցանիշների 64 տոկոսը:
Ընկերության գլխավոր տնօրեն Անատոլի Իսայկինի հայտնած տեղեկությունների համաձայն` տարվա կտրվածքով նախատեսվում է վաճառել առնվազն 9 միլիարդ դոլարի արտադրանք: Նույնիսկ արաբական մի քանի պետություններում ստեղծված իրավիճակի պատճառով որոշ պայմանագրերի խզումն ու հետաձգումը չեն ազդի ընդհանուր ցուցանիշների աճի վրա: