2 տարվա ընդմիջումից հետո Ռուսաստանի պաշտպանության նախարարությունը սկսել է դիմորդներ ընդունել երկրի 20 ռազմական բուհեր: Քննությունները կանցկացվեն հունիս ամսվա ընթացքում: Ընդհանուր առմամբ ծրագրվում է ընդունել 900 կուրսանտ:
Այսօր ՌԴ ՊՆ համակարգում գործում է 15 ռազմական ակադեմիա, 3 ռազմական ինստիտուտ, 15 ռազմական համալսարան և 17 ռազմական ուսումնարան, որոնցում կադրեր են պատրաստվում զինվորական 300 մասնագիտությունների գծով:

Օմսկի պետական տեխնիկական համալսարանի գիտնականները ստեղծել են «ՊՊ-45» անօդաչու թռչող սարքը: Այն արդեն փորձարկվել է 300մ բարձրության վրա` 10մ/վ արագությամբ քամու պայմաններում և թռիչքի ընթացքում երկիր է ուղարկել տեսագրություններ:
«ՊՊ-45»-ի թռիչքի առավելագույն տևողությունը 2 ժամ է, առավելագույն արագությունը` 70կմ/ժ, օգտակար բեռը` 1.2կգ, ընդհանուր զանգվածը` 3.2կգ: Սարքն ունի երկու էլեկտրաշարժիչ: Իրանը կևլարից է (նյութ, որից զրահաբաճկոն են պատրաստում):

Բաթումի ջրային տարածքում հունիսի 21-ին տեղի է ունեցել վրաց-ամերիկյան զորավարժություն: Ամերիկյան կողմից մասնակցել է ԱՄՆ ՌԾՈՒ «Մոնթերեյ» նավը (երկարությունը 173մ, անձնակազմը` 43 սպա և 323 նավաստի), վրացական կողմից` «P-101» նավը, որը նախատեսված է ափի պահպանության համար:

«Մոնթերեյն» արդեն մի քանի տարի է, ինչ Սև ծովում է` սևծովյան ավազանի երկրների հետ համատեղ զորավարժություններ անցկացնելու համար:

Ծնվել էր 1961-ին, Վոլգոգրադի մարզի Կոտովո քաղաքում։ Վերադարձել, Արցախի ազատամարտի տարիներին իր բնօրրանում եղել էր զինագործ, Խանձաձորի կամավորական ջոկատի, պաշտպանության բանակի վաշտի, զորամասի հրամանատար։ Մասնակցել էր Շուշիի, Մարտակերտի Կիչան, Սրխավենդ, Սեյսուլան, Մարաղա, Մարտունու Ճարտար, Հադրութի Խրմանջուղ, Ասկերանի Նախիջևանիկ, Խրամորթ, Խոջալու, Սառնաղբյուր գյուղերի ազատագրության մարտերին։

Փոխգնդապետ Ալեքսանդր Ցականյանի հրամանատարությամբ գործող զորամասը 2010 թվականին բոլոր ուղղություններով ցույց տվեց բարձր արդյունքներ, ճանաչվեց լավագույնը զորամիավորման կազմում եւ ազգային բանակում ու պարգեւատրվեց «Լավագույն մոտոհրաձգային զորամաս» պատվո դրոշով։ Ընթացիկ ուսումնական տարվա ձմեռային-գարնանային փուլի ավարտական քննությունների ընթացքին հետեւելով` համոզվեցինք, որ այստեղ ամուր հիմքերի վրա է դրված ուսումնական գործընթացը, եւ անձնակազմը ձգտում է կրկնել նախորդ տարվա ձեռքբերումները։

Հայաստանի Առաջին Հանրապետության պաշտպանության նախարար, հրետանու գեներալ-մայոր Քրիստափոր Արարատյանը ծնվել է 1876 թ. Նալչիկ քաղաքում, որտեղ ծառայության բերումով բնակություն էր հաստատել Անիից սերող եւ Թիֆլիսում հայտնի Արարատյանների շառավիղը: Երբ լրացավ փոքրիկ Քրիստափորի տասը տարին, հավաքվեցին ընտանիքի անդամները, հարազատ մարդիկ` որոշելու տղայի ապագան: Քրիստափորը ինքն էլ մանկուց երազում էր զինվորական դառնալ եւ նմանվել հորը: Հայրը` Գերասիմ Արարատյանը, ռուսական բանակի գնդապետ էր:

Անցյալ շաբաթ հայկական լրատվամիջոցներում տեղեկություն տարածվեց, ըստ որի` Հայաստանն արդեն ունի համազարկային կրակի «Սմերչ» ռեակտիվ համակարգեր (ՀԿՌՀ): Լուրն անմիջապես տարածվեց նաեւ ադրբեջանական լրատվամիջոցներում. «aze.az» եւ «echo-az.com»-ը, իրենց տարակուսանքը հայտնելով, արտատպեցին տեղեկությունը:
Մինչ այդ «Ռոսօբորոնէքսպորտ» ընկերության հատուկ հանձնարարությունների գծով տնօրեն Նիկոլայ Դիմիդյուկն ասել էր, որ մի քանի օր առաջ ռազմական արտադրանքի՝ Մինսկում կայացած «Milex-2011» ցուցահանդեսում Հայաստանի ներկայացուցիչները հետաքրքրվել են «Սմերչ» համակարգերով: