Գերմանիայի զինված ուժերի` Բադ-Ռայհենհալում գտնվող լեռնային հրաձիգների կայազորի զինծառայողները բաց դռների օրը այցելուների համար խաղ են կազմակերպել` թույլատրելով երեխաներին և դեռահասներին կրակել «Փոքրիկ Միտրովիցա» անվանումով քաղաքի մակետի վրա: Երեխաներին բաժանել են փեյնթբոլի համար նախատեսված զենքեր, որոնք բունդեսվերում կիրառվող իրական հրացանների կրկնօրինակն են:
Կատարվածն առավել մեծ հնչեղություն է ստացել այն պատճառով, որ Երկրորդ աշխարհամարտի ժամանակ Միտրովիցայում գերմանացի զինվորները ռազմական հանցագործություններ են կատարել, այնտեղ են եղել նաև զինվորներ Բադ-Ռայհենհալից:

ԱՄՆ զինված ուժերի հեռանկարային հետազոտությունների գործակալությունը մինչև 2012թ. սկիզբը Աֆղանստանում կսկսի թեթև զրահամեքենաների ակտիվ պաշտպանության Iron Curtain (երկաթե վարագույր) նոր համակարգի փորձարկումը, որը նախատեսված է արկերից և հակատանկային հրթիռներից պաշտպանվելու համար: Դաշտային փորձարկումներին կմասնակցեն HMMWV չորս զրահափոխադրիչներ: Հակազդման միջոցները նախատեսվում է տեղադրել մեքենայի տանիքին:

Մալայզիական Deftech և թուրքական FNSS ընկերությունները պայմանագիր են ստորագրել Մալայզիայի ցամաքային զորքերի համար 257 միավոր AV-8 զրահափոխադրիչ մատակարարելու վերաբերյալ: Գործարքի ընդհանուր արժեքը 559 միլիոն դոլար է: AV-8-ը կստեղծվի թուրքական Pars զրահափոխադրիչի բազայի վրա: Վերջնական հավաքումը կկատարի Deftech-ը, որը ծրագրում է ստեղծել զրահամեքենայի 12 տարբերակ:

Բուլղարիան Ռումինիային, Խորվաթիային և Թուրքիային առաջարկել է միասին գնել կործանիչներ: Այդ դեպքում մեկ ինքնաթիռն ավելի էժան կլինի յուրաքանչյուրի համար: Նախաձեռնության մասին խոսել է Բուլղարիայի վարչապետ Բոյկո Բորիսովը: Նա հնարավոր է համարել նաև օդային տարածության պարեկության, օդաչուների ուսուցման, վարժանքների համատեղ իրականացումը, ինչի շնորհիվ կնվազեն ինքնաթիռների շահագործման ծախսերը` միաժամանակ չթուլացնելով պետությունների մարտունակությունը:

Հունաստանում ձերբակալվել է 18 տարեկան համակարգչահեն (հաքեր), որն ապօրինաբար մուտք է գործել տարբեր երկրների բազմաթիվ պաշտոնական կայքեր: 15 տարեկանում նա «կոտրել է» Ինտերպոլի, մեկ տարի անց` Պենտագոնի, Անվտանգության դաշնային բյուրոյի և ԱՄՆ Ազգային անվտանգության գործակալության կայքերը:

Այս մասին «Tert.am»-ին հայտնել է ՀՀ պաշտպանության նախարարությունում նրա աղբյուրը:

Պաշտպանության նախարարի խոսնակ Դավիթ Կարապետյանը հրաժարվել է մեկնաբանել ռուսական «Սմերչ» զինատեսակի նկատմամբ Հայաստանի պաշտպանության նախարարության ներկայացուցիչների հետաքրքրության մասին լուրը:
Ըստ «Մեդիամաքս» գործակալության՝ ռուսական Военно-промышленный Курьер հանդեսին տված հարցազրույցում «Ռոսօբորոնէքսպորտ» ընկերության հատուկ հանձնարարությունների գծով տնօրեն Նիկոլայ Դիմիդյուկն ասել է, որ Մինսկում կայացած Milex-2011 ցուցահանդեսում Հայաստանի ներկայացուցիչները հետարքրքություն են ցուցաբերել «Սմերչ» համակարգերի նկատմամբ:

Միջուկային զենք ունեցող` աշխարհի բոլոր երկրները միասին մարտական հերթապահության մեջ են պահում 5027 միջուկային մարտագլխիկ, իսկ պահեստում եղածները մոտ 15500 հատ են: Ամենախոշոր միջուկային տերություններն են Ռուսաստանը (2427 մարտագլխիկ), ԱՄՆ-ը (2150), Ֆրանսիան (290) և Մեծ Բրիտանիան (160): Բացի նրանցից, մարտական հերթպահության մեջ չընդգրկված միջուկային մարտագլխիկներ ունեն նաև Չինաստանը (200 հատ), Հնդկաստանը (80-110), Պակիստանը (90-110) և Իսրայելը (80):