Նորություններ
Վերջերս ադրբեջանական մամուլը կտրուկ ավելացրել է երկրի պաշտպանական արդյունաբերության գործարքների մասին տեղեկատվությունը: Եթե հավատանք դրան, Ադրբեջանը արտադրում է տասնյակ զրահամեքենաներ, հրետանային կայանքներ, հրազեն, դիպուկահար հրացան, անօդաչու թռչող սարքեր եւ այլն: Հարց է ծագում՝ արդյո՞ք Ադրբեջանի պաշտպանական արդյունաբերությունն իսկապես արագորեն զարգանում է, թե՞ գործ ունենք պետականորեն ծրագրված ապատեղեկացման հետ:
Երբ 2005թ. դեկտեմբերի 16-ին Իլհամ Ալիեւի հրամանագրով ստեղծվեց Ադրբեջանի պաշտպանական արդյունաբերության նախարարությունը, հարց առաջացավ ինչի՞ համար:
Ռուսաստանն ու ԱՄՆ-ը Աֆղանստանում համատեղ կստեղծեն տարբեր մոդիֆիկացիայի «ՄԻ» ուղղաթիռների սպասարկման կենտրոն: Այլևս կարիք չի լինի նորոգման համար մեծ ծախսեր կատարելու և ուղղաթիռը տեղափոխելու Եվրոպա:
ՌԴ պաշտպանության նախարարության ռազմաբժշկական գլխավոր վարչության պետ գեներալ-մայոր Ալեքսանդր Բելեվիտինը և նույն վարչության գնդապետ Ալեքսեյ Նիկիտինը ձերբակալվել են կոռուպցիայի հարցով քրեական գործի շրջանակներում: Նրանք կասկածվում են բժշկական սարքավորումների գնման ժամանակ 4,7 միլիոն ռուբլի կաշառք ստանալու մեջ: Ավելի ուշ տեղեկություններ հայտնվեցին, որ Բելեվիտինը պատրաստվում էր վերացնել կաշառքի փոխանցման միջնորդ-վկային:
ԱՄՆ պետդեպարտամենտի զեկույցի համաձայն` ԱՄՆ-ը Ռուսաստանից 30 տոկոսով ավելի ռազմավարական միջմայրցամաքային հրթիռներ և ատոմային մարտագլխիկներ ունի: Երկրի սպառազինության մեջ են 882 միջմայրցամաքային բալիստիկ հրթիռներ, Ռուսաստանն ունի 521 այդպիսի հրթիռ: Ամերիկյան մարտագլխիկների թիվը 1800 է, ռուսական մարտագլխիկներինը` 1537: Առավելություն կա նաև արձակման կայանների մասով` համապատասխանաբար 1124 և 865:
Ամերիկյան բանակը 1995թ. մինչ օրս սպառազինությունների և ռազմական տեխնիկայի մշակման 22 նախագիծ է փակել, որոնց վրա, ընդհանուր առմամբ, ծախսվել է 32 միլիարդ դոլար: Հետախուզական RAH-66 Comanche ուղղաթիռները և «Ապագայի մարտական համակարգերը» ամենախոշոր ֆինանսավորում ստացած, սակայն այդպես էլ ոչ մի միավոր նոր տեխնիկա բանակին չտրամադրած նախագծերն են: Comanche-ի նախագծումն սկսվել է 1980-ականներին, դադարեցվել է 2004թ., երբ արդեն ծախսվել էր վեց միլիարդ դոլար:
Ռուսական «ՄԻԳ» ավիաշինական կորպորացիան Հնդկաստանի ռազմածովային ուժերին է փոխանցել ՄԻԳ-29Կ/ԿՈՒԲ 5 կործանիչ, նաև օդաչուների ուսուցանման` շարժունակության համակարգով համալիր վարժասարք, կործանիչների սպասարկման համար անհրաժեշտ սարքավորումներ: 1,5 միլիարդ դոլար արժողությամբ 29 հատ ՄԻԳ-29 ինքնաթիռների մատակարարման մասին պայմանագիրը կնքվել է 2010թ. մարտին ՌԴ վարչապետ Վլադիմիր Պուտինի` Հնդկաստան կատարած այցի ընթացքում:
