Ապրիլի 10-ին Սիրիան տանկեր է տեղափոխել դեպի Բանիաս քաղաք: Այդ քայլը ուղղված էր ճնշելու նախագահ Բաշար Ալ-Ասադի ռեժիմից դժգոհ ցուցարարներին: Անվտանգության ուժերի և ցուցարարների միջև տեղի ունեցած բախումների հետևանքով չորս մարդ է զոհվել, շատերը վիրավորվել են:

Նորվեգայի կառավարության լեյբորիստական ուժերը ձգտում են ֆինանսներ ձեռք բերել խորհրդարանից Kongsberg’s Joint Strike Missile (JSM) հրթիռների հետագա կատարելագործման համար: «JSM»-երը բարձր ճշգրտությամբ հրթիռներ են, որոնք նախատեսված են F-35 Lightning II Joint Strike Fighter (JSF) մարտական օդանավերի համար:

Ապրիլի 25-ին ԱՄՆ պաշտպանության նախարարությունը հայտարարեց, որ դադարեցնում է F-35 Lightning II Joint Strike Fighter (JSF) օդանավերի համար նախատեսված F136 շարժիչների արտադրության պայմանագիրը , որը կնքել էր General Electric (GE)/Rolls-Royce ընկերության հետ: Պաշտպանության նախարար Ռոբերտ Գեյթսի կարծիքով` «F-35»- երի համար այլընտրանքային շարժիչների արտադրությունը ավելորդ ծախս է:
-Այլընտրանքային շարժիչների արտադրության համար օրական ծախսվում էր 1 միլիոն դոլլար, ինչը Պենտագոնը համարում է անիմաստ շռայլություն,-նշվում է հայտարարության մեջ:

Աֆղանստանում գտնվող ամերիկյան բանակի ստորաբաժանումները որոշ քանակությամբ XM2010 նոր դիպուկահար հրացաններ են ստացել: Թեև դրանք Մ-24 դիպուկահար հրացանի արդիականացված տարբերակն են, փոփոխություններն այնքան մեծ են, որ զինվորականները նոր անվանում են շնորհել դրան: Մասնավորապես, նոր հրացաններում օգտագործվում է ՆԱՏՕ-ի չափանիշներից տարբերվող Winchester Magnum (7,62×67մմ) փամփուշտ: Դրա շնորհիվ նշանառու կրակոցի հեռավորությունը 800-ից հասել է 1200 մետրի: XM2010-ը ունի արագ փոխարինվող Titan-QD խլացուցիչ, որը 98 տոկոսով պակասեցնում է կրակոցի պահին փողից դուրս եկող կրակի լուսավորությունը, հետհարվածը` 60 տոկոսով, իսկ կրակոցի ձայնը` 32 դեցիբելով:

Երեքշաբթի Ռուսաստանի ռազմածովային ուժերի հյուսիսային նավատորմի «Եկատերինբուրգ» սուզանավից ստորջրյա վիճակից հաջողությամբ արձակվել է «Սինեվա» միջմայրցամաքային բալիստիկ հրթիռ: Հրթիռն արձակվել է Բարենցի ծովի շրջանից և խոցել է ուսումնական թիրախը Կամչատկայի շրջանի Կուրա հրաձգարանում:
ՌՍՄ-54 «Սինեվա» հրթիռը սպառազինության է վերցվել 2007թ., թռիչքի հեռավորությունը ավելի քան 10 000 կմ է:

Ամերիկյան Northrop Grumman ընկերությունը սկսել է նոր ռադարի փորձարկումներ, որը կարող է օգտագործվել ծովային հետախուզություն կատարող անօդաչու թռչող սարքերում: BAMS ռադարները նախատեսված են MQ-4C Global Hawk անօդաչու սարքերի վրա տեղադրելու համար: Փորձարկումների ավարտից հետո նշված անօդաչուները P-8A Poseidon ինքնաթիռների հետ համատեղ կիրականացնեն ափամերձ տարածքների պարեկություն:

Օսմանյան Թուրքիայի թուլանալուն զուգընթաց, հպատակ ժողովուրդներն սկսեցին ինքնավարության հույսեր փայփայել։ Հայկական տարրը, որ դարեր շարունակ թուրքական տիրապետության տակ էր, բնականաբար, պիտի հետեւեր մյուս թուրքահպատակ ժողովուրդների օրինակին։ Մանավանդ՝ անկախացած ժողովուրդները՝ հույները, բուլղարները եւ մյուսները հաջողության հասան երրորդ ուժի օգնությամբ, եւ հայերը նույնպես աջակցություն ստանալու ակնկալիք ունեին։ Սակայն հանգամանքներն ի նպաստ հայերի չէին եւ շատ ավելի զորեղ դուրս եկան։ Ամենամեծ խնդիրը պետականության բացակայությունն էր, ինչը խոչընդոտում էր համընդհանուր, ծրագրավորված պայքար եւ դիմակայություն կազմակերպելու հնարավորությունը։