Զորամասի հաջողության գործում իր ներդրումն ունի նաեւ կապիտան Արսեն Ավագյանը։ Նա երեւանցի է, 1999թ. ընդունվել է Վազգեն Սարգսյանի անվան ռազմական ինստիտուտ, որն ավարտելուց հետո ծառայել է սահմանամերձ գոտիներում տեղակայված տարբեր զորամասերում։ Նրա մեծ եղբայրը՝ Էդուարդ Ավագյանը, 1998թ. զոհվել է առաջնագծում, պարտադիր ժամկետային ծառայությունը կատարելու ժամանակ։
-Հավանաբար այդ հանգամանքը նույնպես նշանակություն ունեցավ մասնագիտությանս ընտրության հարցում։ Դարձա զինվորական, որպեսզի պաշտպանեմ մեր հայրենիքը, եղբորս կիսատ գործը շարունակեմ, նրա վրեժը լուծեմ։

Ադրբեջանական բանակի զորամասերից մեկում փետրվարի 20-ին կատարված հերթական սպանդը ցնցել է այդ երկրի հասարակությանը: Հիշեցնենք, որ զինվորներից մեկը մարտական հենակետում գնդակահարել է իր 6 ծառայակիցներին եւ ինքնասպան եղել:
Միջադեպը շոկի մեջ է գցել Ադրբեջանի նախագահին. նրա արձագանքը կտրուկ էր եւ բուռն. անմիջապես պաշտոնազրկել է զորամիավորման հրամանատար գեներալ-մայոր Չինգիզ Շաֆիեւին եւ նրա կոչումն իջեցրել մեկ աստիճանով: Նրա փոխարեն նշանակվել է Բաքվի կայազորի հրամանատար գեներալ-լեյտենանտ Ռովշան Աքպերովը, որը, ի դեպ, Ադրբեջանի 250 «ազգային հերոսներից» մեկն է եւ Ալիեւի ամենավստահելի գեներալը:

Փետրվարի 13-22-ը ՌԴ` աճող սերնդի ռազմահայրենասիրական դաստիարակության ամրապնդման 2011-2015թթ. պետական ծրագրի շրջանակներում Պերմի երկրամասի ներքին գործերի վարչության ոստիկանության վարժարանում անցկացվեց «Պատանի հայրենասերների 9-րդ միջազգային հավաք»-ը, որին մասնակցեց երեսուներկու թիմ Ռուսաստանից, Ուկրաինայից, Բելառուսից, Ղազախստանից, Տաջիկստանից եւ առաջին անգամ` Հայաստանից: Կազմակերպիչները նախապես գործունեության մասին տեղեկացել, ապա եւ հրավեր էին ուղարկել ՀՀ ՊՆ Մոնթե Մելքոնյանի անվան ռազմամարզական վարժարան: Պերմ էին մեկնել վարժարանի տասը սաներ, նրանց ուղեկցում էին վարժարանի պետ գնդապետ Վ. Ոսկանյանը, պետի տեղակալ մայոր Կ. Ավագյանը, ֆիզպատրաստության ավագ հրահանգիչ ենթասպա Ն. Սարգսյանը, կրթօջախի բուժծառայության պետ կապիտան Ե. Մխչյանն ու ավագ բուժքույր ենթասպա Իրինա Ոսկանյանը:

«Ֆրանս Պրեսս» գործակալությունը հայտնել է, որ Ֆրանսիան, Մեծ Բրիտանիան և Նորվեգիան ստեղծել են վթարված սուզանավերի փրկարարական համակարգեր: Աշխատանքների վրա ծախսվել է 70 միլիոն դոլար: Համակարգը ներառում է ավտոնոմ ստորջրյա ապարատ և փոքր սուզանավ: Առաջինն օգտագործվում է նավը գտնելու համար, իսկ երկրորդը քարշակի դեր է կատարում: Ըստ NSRS-ի (ՆԱՏՕ-ի սուզանավերի փրկարարական համակարգ)՝ նախատեսվում է օգնություն տրամադրել աղետի ազդանշանը ստանալուց հետո 72 ժամվա ընթացքում փրկարարական օպերացիաները հնարավոր կլինի իրականացնել մինչև 600 մետր խորության վրա:

Ռուսաստանի ռադիացիոն, քիմիական և կենսաբանական պաշտպանության զորքերը կստանան գերհեռահար նոր ռեակտիվ հրանետներ: Դրանցով հնարավոր կլինի խոցել հակառակորդի կենդանի ուժը թաքստոցում և թույլ պաշտպանված զրահամեքենայում մինչև 1,7 կմ հեռավորության վրա: Դիպուկ խոցել հնարավոր էր 800 մետրից:

Ռուսաստանում մարտական հերթապահության է անցել ՌՍ-24 Յարս ռազմավարական հրթիռների շարժական համակարգերով համալրված առաջին գունդը: Համակարգերն աստիճանաբար կփոխարինեն ՌՍ-18 և ՌՍ-20 դասի հրթիռներին: Նախատեսվում է, որ հնացած մոդելները փոխարինելուց հետո Յարս և Տոպոլ-Մ հրթիռները կկազմեն Ռուսաստանի ռազմավարական նշանակության զորքերի հարվածային հիմքը:

Վերլուծաբան Մայքլ Օսլինը «The Wall Street Journal» թերթում գրում է, որ Ռուսաստանը վերադառնում է Ասիական-խաղաղօվկիանոսյան տարածաշրջան: Այդ են վկայում նախորդ մի քանի շաբաթվա երեք իրադարձություն:
Առաջինը Ռուսաստանի պաշտպանության նախարարի, ապա նաև ՌԴ նախագահ Դմիտրի Մեդվեդևի այցն էր Կուրիլյան կղզիներ (անցյալ տարվա վերջում): Երկրորդը Ռուսաստանի այն ծրագրի հրապարակումն էր, ըստ որի` հաջորդ տասնամյակում ռուսական նավատորմը կծախսի ավելի քան 150 մլրդ դոլար` տասնյակ սուզանավեր ու ռազմանավեր ձեռք բերելու համար` իր ուշադրությունը կենտրոնացնելով Խաղաղ օվկիանոսի վրա: