Հրաձգային ստորաբաժանումների զինծառայողների անհատական վարժվածության կատարելագործման նպատակով դեկտեմբերի 15-ին N զորամիավորումում անցկացվել են կրակի կառավարման մարզումներ։ Անձնակազմը մարտավարական բարդ պայմաններում, տարբեր զինատեսակների կիրառմամբ, կատարել է կրակային վարժանքներ և ցուցաբերել բարձր պատրաստություն։

Անձնակազմի մասնագիտական պատրաստության մակարդակի ամրապնդման նպատակով N զորամիավորման կապավորների հետ դեկտեմբերի 14-ին անցկացվել են վարժանքներ։

N զորամասի պահպանության տարածքում դեկտեմբերի 14-ին իրականացվել են տեղազննման աշխատանքներ։

Դեկտեմբերի 13-ին N զորամիավորումում անցկացվել է հավաք-խորհրդակցություն, որի ընթացքում ամփոփվել են զորամասերում իրականացված աշխատանքները։

N զորամիավորման զորամասերում իրականացվել է մարտական հերթապահության հերթափոխ:

N զորամասի մարտական հենակետերում իրականացվել են ստուգայցեր։

Դեկտեմբերի 10-ին, ժամը 12։00-ի սահմաններում, Ադրբեջանի ԶՈՒ ստորաբաժանումները հարձակում են գործել հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի վրա։