Մարտի 31-ին՝ Արցախի հերոս Արկադի Տեր-Թադևոսյանի հետ նույն օրը, կյանքից հեռացավ Հայ սև գոտիների միջազգային ակադեմիայի հիմնադիր-նախագահ, Մերձավոր Արևելքում Լեռնային Ղարաբաղի պաշտոնական ներկայացուցիչ Կարո Քեբաբջյանը:

Ապրիլի 7-ին ՀՀ պաշտպանության նախարար Վաղարշակ Հարությունյանը, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի և ԶՈՒ ռազմաբժշկական վարչության պետ, գնդապետ Սահակ Օհանյանի հետ այցելել է «Աստղիկ» բժշկական կենտրոն:

5-րդ զորամիավորման զորամասերում նորակոչիկների հետ անցկացվել են շարային և կրակային պատրաստության տեսական և գործնական պարապմունքներ:

4-րդ զորամիավորման հատուկ նշանակության ստորաբաժանումներից մեկի զինծառայողների հետ անցկացվել են մարտական պատրաստության գործնական պարապմունքներ:

3-րդ զորամիավորման հրետանային ստորաբաժանումների զինծառայողների հետ ապրիլի 7-ին անցկացվել են տեսական պարապմունքներ։

«Սուրբ Գրիգոր Լուսավորիչ» պետական բժշկական քոլեջում անցկացվել է միջոցառում՝ նվիրված 44-օրյա պատերազմում նահատակված տղաների հիշատակին։ Հայրենիքի պաշտպանության սուրբ գործում իրենց անգնահատելի մասնակցությունն են ունեցել նաև այս քոլեջի ուսանողները․ նրանցից Պողոս Մելիքյանը զոհվել է, Էրիկ Ոսկանյանը անհետ կորած է:

Ապրիլի 7-ին կայացել է ՀՀ պաշտպանության նախարար Վաղարշակ Հարությունյանի և ՌԴ պաշտպանության նախարար, բանակի գեներալ Սերգեյ Շոյգուի հեռախոսազրույցը: