Կիպրոսի Հանրապետություն կատարած պաշտոնական այցի շրջանակում` դեկտեմբերի 13-ին, ՀՀ պաշտպանության նախարար Սուրեն Պապիկյանն այցելել է Մակեդոնիտիսիայի զինվորական պանթեոն և ծաղկեպսակ դրել Կիպրոսի պաշտպանության համար զոհված կիպրացի և հույն զինծառայողներին նվիրված հուշակոթողին:

Կիպրոսի Հանրապետություն կատարած պաշտոնական այցի շրջանակում ՀՀ պաշտպանության նախարար Սուրեն Պապիկյանն այցելել է Կիպրոսի Հանրապետության խորհրդարան և հանդիպել Ներկայացուցիչների պալատի նախագահ Անիտա Դիմիտրուի հետ:

Դեկտեմբերի 12-ին ՀՀ պաշտպանության նախարար Սուրեն Պապիկյանի պաշտոնական այցը Կիպրոսի Հանրապետություն մեկնարկել է դիմավորման հանդիսավոր արարողությամբ՝ Կիպրոսի ազգային գվարդիայի պատվո պահակախմբի և զինվորական նվագախմբի մասնակցությամբ։ Հնչել են Հայաստանի Հանրապետության և Կիպրոսի Հանրապետության պետական օրհներգերը:

ՀՀ զինված ուժերում անցկացվել է բարձրագույն և ավագ սպայական կազմերի առաջին ենթախմբի ատեստավորում։ Նոյեմբերի 27-ին ՀՀ ՊՆ վարչական համալիրում մեկնարկած քննական գործընթացը համակարգում էր ՀՀ պաշտպանության նախարար, ատեստավորման առաջին հանձնաժողովի նախագահ Սուրեն Պապիկյանը։

Պատվո պահակային վաշտի ավագ Մանվել Հարությունյանը զորամասի լավագույն զինվորականներից է: Հարությունյան գերդաստանի առաջին զինվորականն աչքի է ընկնում բարեխիղճ ու նվիրված ծառայությամբ:

Ջոկի հրամանատար, դիրքի ավագ, կրտսեր սերժանտ Սմբատ Կիրակոսյանը 2011 թվականին ժամկետային զինծառայության է անցել մարտական հերթապահություն իրականացնող զորամասերից մեկում, իսկ 2013-ին, զորացրվելով, անմիջապես պայմանագրային զինծառայության է անցել իր հայրենի եզերքը պաշտպանող զորամասում ու վստահ է՝ սա՛ է իր կյանքի գործը, որևէ այլ տեղ իրեն պատկերացնել ո՛չ կարողանում է, ո՛չ էլ ցանկանում։

Նոյեմբերի 30-ին ՀՀ ՊՆ վարչական համալիրում ավարտվել է ԶՈՒ բարձրագույն և ավագ սպայական կազմերի առաջին ենթախմբի ատեստավորման գործընթացը։
Ատեստավորման վերջին օրը հարցաշարերի միջոցով ստուգվել են մասնակիցների մասնագիտական գիտելիքներն ու ծառայողական պարտականությունների իմացությունը։