Փետրվարի 14-ին և 15-ին ՀՀ պետական սահմանի հայ-ադրբեջանական շփման գծի ամբողջ երկայնքով սահմանային միջադեպեր չեն արձանագրվել, օպերատիվ իրավիճակը փոփոխության չի ենթարկվել:

Փետրվարի 15-ին 5-րդ զորամիավորման ենթակայությամբ գործող զորամասերի զինծառայողների հետ անցկացվել են կրակային պատրաստության պարապմունքներ, որոնց ընթացքին հետևել է զորամիավորման հրամանատարը։

Փետրվարի 11-ից 12-ը 5-րդ զորամիավորման հատուկ նշանակության ստորաբաժանումների զինծառայողների հետ անցկացվել են մասնագիտական տեսական պարապմունքների։

Փետրվարի 11-ին 4-րդ զորամիավորման զորամասերից մեկում մարտական հերթապահության մեկնող անձնակազմի հետ անցկացվել են գործնական պարապմունքներ:

Զինծառայողների տեսական գիտելիքների ու գործնական հմտությունների զարգացման նպատակով 1-ին զորամիավորման հրետանային ստորաբաժանումների անձնակազմի հետ անցկացվել են մարտավարական մասնագիտական պարապմունքներ։

Փետրվարի 10-ին 5-րդ զորամիավորման ենթակայությամբ գործող N զորամասի կապի վաշտի զինծառայողները հանձնել են մասնագիտական ստուգարքներ։

4-րդ զորամիավորման ենթակայությամբ գործող N զորամասի մարտական հենակետերում անցկացվել են ստուգումներ: